終於“登陸”了，正日當然想對自己好一點，太太特意請假陪我，囝囝又放暑假，最好就由起身一直食同玩足一日。 午間係另一間酒店品嚐了下午茶，晚飯就選擇了九龍酒店的倚窗閣，今次的主題是‘’夏日美食狂想曲‘’（地中海香草美饌配搭特色滋味火鍋）。 可能網上平台有折扣，就算是平日，居然有8，9成客，是少見的熱鬧。 磯煮鮑魚以前會有兩至三款生蠔供應，但可能之前太多餐廳出事，倒不如轉做熟食仲好。 磯煮鮑魚真係好正，肉質軟熟入味，食幾多都有。 海鮮 有俄羅斯雪花蟹腳、藍貝、青口、咖啡蟹、海蝦及翡翠螺。 解凍處理得不錯，質素有保證，點都要食返一round。 刺身 係香港酒店自助餐中，倚窗閣的種類及質素都好好，有劍魚腩、三文魚、油甘魚、八爪魚、紅蝦、赤貝、帶子及北寄貝。 火鍋近年酒店自助餐都多了點新意，火鍋是其中一樣，而且食落又幾豐富喎！點擊圖片放大 主打有美國牛肉片、伊比利亞豬肉片、海螺、蠔肉、沙白、鮮蝦、魷魚、鮮花甲及龍躉片， 其他配料蔬菜類有高麗菜、唐生菜、金針菇、冬菇、白蘿蔔片、皇帝菜、冬瓜片、芫茜及腐竹。 而湯底有椰子雞、法式海龍王以及四川麻辣湯，講真，海龍王湯硬係覺得怪怪的，還是傳統椰子雞啱我。 越式牛肉湯麵有豬骨及牛肉兩款湯底，另外配料有牛丸、炸魚片、扎肉、豆卜、肥牛肉、芽菜同西生菜。 作為澱粉質怪，當然要食返碗，老實講，湯底又真係幾好，湯色清而味濃，我鍾意。 Carving Station 香草海鹽慢烤有骨肉眼扒一如以往，都係等到中間較生的位置先出手。 北京片皮鴨即包即食，可以自行加配醬料，鴨皮有油香，不錯。 點擊圖片放大 +4 另外有香煎rosemary羊扒、鹽燒牛舌、免治雞肉棒、意大利莎樂美場薄餅、日式天婦羅及鷹嘴豆配中東包。 真心推薦鹽燒牛舌，厚切下啖啖肉，好食。 熱葷酒店本身有中菜廳，中菜出品穩定，所以都好受食客歡迎。 養生系列野生姬松茸炆雞炒得幾乾身，雞肉亦嫩。 紅棗欖角蒸排骨甜甜地又醃得好入味，尤其是個汁，用來拌白飯一流。 蔥油頭抽蒸比目魚勁厚肉又無碎骨，蔥油好香，有提味的作用。 點擊圖片放大 +3 西式熱葷仲有美式燒排骨、摩洛哥紅酒牛肉、鹽燒三文魚鰭、黑松露卡邦尼意大利粉、三文魚炒飯、忌廉薯片及西班牙海鮮炒飯 再來一碗街頭小食碗仔翅及咖哩三寶。 湯倚窗閣既湯品一向都好夠火喉，尤其是係中湯。 霸王花粟米甘筍煲唐排一揭開蓋，已經瀰漫香氣，忍不住飲了兩三碗。 西湯是南瓜甘筍湯，質感滑溜，甜度來自南瓜及甘筍。 沙律有八爪魚蘑菇沙律、素菜藜麥沙律、煙火腿菠蘿沙律以及吞拿魚沙律。 芝士有橙車打芝士、蒜蓉芝士以及大孔芝士。 Cold Cut有紅椒凍肉腸、意大利前菜、煙三文魚、精選意大利凍肉雜錦、芝麻吞拿香芒莎莎及西班牙凍湯配鮮蝦。 甜品 Movenpick雪糕有雲呢拿夢幻、瑞士朱古力、士多啤梨、 薄荷朱古力、特濃咖啡、熱情果芒果雪葩、法式焦糖燉蛋、Rum酒提子及香蕉味，可以杯上，又可以配甜筒，所以好受歡迎。 每晚都會有即製火焰雪山，當年同太太拍拖時的回憶一下重現。 當然要食即焗梳乎厘，輕盈鬆軟的質感，好對板。 太太比較鍾情中式糖水，這個紅棗雪耳燉桃膠就最啱佢。 點擊圖片放大 加埋即制窩夫、DIY豆腐花及涼粉，種類可算多。 點擊圖片放大 Whole Cake有芒果熱情果慕絲蛋糕、十勝紅豆宇治綠茶蛋糕及72%黑朱古力慕絲蛋糕。 點擊圖片放大 為免比人拆散，最佳方法係盡早食，對嗎？點擊圖片放大 +2 比較迷你的有西班牙果酒凍、木糠布甸 、芒果布甸、藍莓芝士餅、北海道3.6牛乳芝士蛋糕、開心果葡撻、葡撻、加泰隆尼亞焦糖奶凍、什莓特飲、紅桑子檸檬忌廉、黑芝麻布丁配雲呢拿汁、Cupcake、啫喱糖（青檸、黑加侖子、士多啤梨及芒果）、杞子桂花糕 及洛神花椰汁糕。 整個甜品區超過20款甜品，好啱心多的朋友。 水果有蜜瓜、哈密瓜、士多啤梨、西瓜及菠蘿。 飲品凍櫃有汽水，另外有橙汁、蘋果汁、薄荷香橙水以及冰凍紅茶，仲要係free flow。Facebook 專頁 : TheKowloon Hotel 餐廳專頁 : 九龍酒店倚窗閣 地址 : 尖沙咀彌敦道19-21號九龍酒店2樓 電話 : 27343803 味道 : 4 環境 : 4 服務 : 4 衛生 : 4 抵食 : 4 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
