上次同大家分享過港島香格里拉自助餐之後，今次就同大家分享一下九龍香格里拉 Cafe Kool 既Buffet。點擊圖片放大 大家今次有口福，因為踫上了即劏53kg吞拿魚，可以享用新鮮的赤身，仲要係任食，滿意度加分。 另外，每位會送上蟹鉗乾貝御金湯。 海鮮 不單止有即劏吞拿魚，仲有任食波士頓龍蝦，好多都爆膏，必食。點擊圖片放大 其他海鮮有翡翠螺、花蟹、青口、長腳蟹爪、海蝦及沙白，refill速度好快，無須擔心同人爭，解凍又處理得好，不錯。 刺身 有帶子、馬刀貝、甜蝦、八爪魚、三文魚及油甘魚。當中最愛肉質嫩滑的帶子以及爽彈的馬刀貝。日式食品一向好受大家歡迎，尤其是迷你版，一口一件就最方便，仲可以試多幾款。 今次有芒果蘆筍三文魚、日式豆腐、蟹籽沙律、日式冷麵、芝麻八爪魚以及味付螺肉。壽司 有三文魚、甜蝦及八爪魚。Carving Station 炭燒斧頭扒一定要試，仲可以要求厚切完再燒一燒，焦香味出晒，加點芥末食一流。 除了斧頭扒，又有烤焗羊架 同埋燒牛肋骨，食肉獸好啱。熱葷中式方面： 有為今次主題而特別設計的江南百花雞蟹黃汁，好有創意。 而砵仔焗海膽口感好豐腴。 另外有酥炸豆腐及生炒牛肉飯。西式方面： 個人推薦吉列和牛、香草焗魚柳配檸檬牛油汁、煮青口配香草汁及西班牙海鮮飯。 尤其是海鮮飯配料勁多，飯粒有嚼口。 其他有黑毛豬豬扒菠蘿燒汁、香草芝士牛肉醬焗通粉、意式烤雜菜、日式海鮮炒烏冬及泰式香料燒春雞。 加上天婦羅同埋海蜇山藥浙江火腿柚子醬，菜色份量勁多。麵檔 有香港名店麥奀記的雲吞麵，平時食一碗都幾十蚊，家陣淨食雲吞。 上次去新加坡都係入住香格里拉，佢地既喇沙真係要每日一碗，所以今次見到有新加坡香格里拉招牌喇沙，就梗係要食啦，講真，又的確有當日八九成水準。點擊圖片放大 堂弄Homemade意大利粉，即時來一碟Ali Olio，蒜香味重，辣度可以再勁些小。 燒味 由鏞記主理的燒味，提供了叉燒、燒鴨、炸子雞同埋鵝肝腸，可惜無我想食既燒鵝。湯品 梗係要返盅火喉十足的海底椰雪耳瘦肉燉湯，一盅未夠，可以再encore。 而例湯有周打蜆湯及冬陰功湯，同樣都係好啱飲。飲品 酒店聯乘了健康工房，今晚有馬蹄鮮茅根竹蔗水及金銀花杞子菊花茶提供，天氣乾燥就最啱。大堂一角有幾款隱藏菜色。 竹籠清蒸活海鮮糯米飯有齊蟹、蝦、鮮魷、青口及沙白，但精華所在一定係吸收了海鮮精華的糯米飯。想不到可以食到香宮的點心。 蒸牛肚好軟稔入味，又有鳳爪蒸排骨及小籠包，如果可以沖壺香濃普洱就更加正。 沙律菜點擊圖片放大 選用澳洲水耕種植技術、無農藥殘留、非基因改造以及無重金屬的出產。所以火箭菜、九芽生菜、紅椰菜、紅珊瑚及牛油生菜同樣食得安心。 至於沙律有日式蕃茄沙律、日式鯖魚馬鈴薯沙律、蕃茄水牛芝士沙律及紅菜頭沙律。清真菜大堂一角設有政府近日經常提出的清真菜，其實Cafe Kool一向都有，只是欠缺推廣。點擊圖片放大 其實菜色種類好多，絕非得三幾樣濫竽充數，因為有印式烤雞、印式牛油雞、印式羊肉咖哩、印式魚咖哩、海鮮咖哩、印式番茄醬牛肉丸、印式孜然香飯、茄子鷹嘴豆燉菜、蕃茄飯、印式香料雞肉沙律以及馬來青芒果沙律。當中菜色包含了海鮮、牛肉、魚、羊肉、雞同菜蔬，個人覺得是在自助餐類別中較為認真的一間。 芝士有齊金文拔芝士、法國軟芝士、羊奶芝士、Gruyere 芝士及荷蘭伊登芝士，喜歡的不妨試試。 Cold Cut有意式肉腸、西班牙塞拉諾火腿配蜜瓜、燻黑椒牛肉莎樂美腸以及有機沙律菜手捲。甜品 原先會有低調高手既雞蛋仔，家陣換上了吉士鯛魚燒，好少機會係自助餐見到，一定要食返隻啦！ 哈根大師雪糕有獨立版Cookies and Cream、 Caramel Biscuits and Cream 及雲呢拿，夠衛生，食幾多都得。點擊圖片放大 +4 仲有麵包布甸、意式綠茶芝士蛋糕、焙茶芝麻慕絲蛋糕、 薰衣草啫哩、抹茶紅豆蛋糕、士多啤梨撻、薄荷西柚玄米茶蛋糕、日本長崎蜂蜜蛋糕、 黑芝麻芝士撻、柚子乳酪慕絲蛋糕、京都抹茶卷 日式布丁、藍莓芝士蛋糕、Panna Cotta 及 Madeleine。今次都不作特別推介，因為有好多款都好好味，甜度適中，不會過火，好合我心意。 Facebook 專頁 : Kowloon Shangri-La, Hong Kong 地址 : 尖沙咀麼地道64號九龍香格里拉大酒店閣樓 電話 : 27338753 味道 : 4 環境 : 4 服務 : 4 衛生 : 5 抵食 : 4 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝！ http://www.facebook.com/foodiephilip
