近月係香港食得好多大閘蟹，但其實深圳好多時仲抵食。 當然，大家會有食安的懷疑，但今次介紹中洲萬豪酒店自助餐就絕對可以放心，因為係大集團，貨源及質素有保證，自己都光顧過好幾次，都沒出問題。酒店近日推出“蠔情蟹宴”自助餐，當然就是蠔及蟹作主打。點擊圖片放大 先係即開生蠔，有法國蠔以及新西蘭蠔兩款，蠔身絕非迷你版，蠔味重又有海水味，新鮮度無庸置疑，仲要係free flow，必食。點擊圖片放大 任食仲有蒸大閘蟹，目測四兩跑不了，問過是江蘇蟹，又滿膏，口感豐腴，蟹迷最啱。 嫌蒸蟹單調？大可試試香辣蟹，辛香惹味。 想吃出鮮味，又有鹽焗蟹。 個人建議要試試潮式熟醉大閘蟹，風味獨特，蟹肉帶酒香，又係必食。 夠香辣的有避風塘炒蝦及辣炒蛤蜊。蠔類方面都有好幾款選擇。 個人最鍾意壓鍋乳山生蠔，因為夠鮮爽。 想香口的有西式的芝士焗生蠔以及中式的蒜蓉烤生蠔。點擊圖片放大 加上熟醉花螺、香辣小龍蝦及蒜蓉小龍蝦，熱葷類的海鮮陣容強勁。 海鮮就算是換上了在香港，中洲萬豪自助餐的陣容都是在前列位置。點擊圖片放大 +5 不單止有大大隻鮑魚，仲有加菲蟹、三點蟹、扇貝、羅氏蝦、海蝦、翡翠螺及青口，全部都是質素好，老實講，單單食海鮮都夠飽。 刺身有八爪魚、鯖魚、希靈魚、吞拿魚以及三文魚，解凍處理得不錯。 湯有海底椰無花果燉雞，好足料又鮮甜。 另外仲有中湯五指毛桃煲生蠔，又幾特別喎。Carving Station 竟然用上戰斧牛排，肉味濃，可以話無得輸，喜歡的仲有烤羊架。 另一邊即炙鐵板燒就更加豐富。 所有食材都是新鮮即煎的，包括有牛肩肉、西冷、羊架、鵝肝、太陽魚、倉魚、黃花魚及紅衫魚，真係多款式到癲。麵食 好多人都對於係自助餐食粉麵敬而遠之，但海參拌麵就一定要試，單係配料已經有生菜、娃娃菜、油麥菜、墨魚丸、牛肉、菠菜麵、桂林米粉以及生麵，更何況海参係早已扣至入味，想食多少少海参又無限歡迎。 若是對海参興趣不大，又有豬肉雜醬、蘿蔔炆牛腩、番茄炒蛋及辣椒炒肉，隨時將碗麵大變身。熱葷 中式以蟹及蠔佔了大多數，而西式方面有德國風味香腸、迷迭香烤薯仔照燒牛舌、香煎龍脷魚、燒汁豬排骨、麻辣海參、清炒時蔬及臘腸豬油撈飯。 當中最合心意當然是牛舌及龍脷魚柳，啖啖肉吃起來不費勁，最啱懶人。甜品 雪糕是品牌杜伯瑞，放係旋轉雪糕機內，這部機就算係香港都好少見，我估量兩地加起來都不超過5部，而內裡放了芒果、椰子、香草、草莓、抹茶、oreo、 朱古力、tiramisu 以及朗姆酒葡萄乾等口味，旁邊更有topping供大家DIY自己喜歡的口味。 整個甜品區的確有令人眼花繚亂的感覺。團團轉走了一圈，既有迷你版，方便一口一件的，又有整個大蛋糕的，總之是各適其適。點擊圖片放大 +5 計落有堅果合桃撻葡撻、cats芒果慕絲、榴槤巴斯克、紅絲絨酸奶蛋糕 、經典萬豪芝士脆、抹茶歌劇院、蘋果芝士蛋糕、tiramisu、多彩椰子凍、椰子櫻桃慕絲蛋糕、朱古力歌劇院、加拿大奶笛蛋糕以及香草批。 私心推介Tiramisu、 紅絲絨酸奶蛋糕以及榴槤巴斯克。 仲有好特別既DIY清補涼。飲品 有兩款特調飲品分別是海岸線的心跳及南緯8度的浪漫。 而紅白酒及氣泡酒是任飲的。適合小朋友的非酒精飲品有葡萄汁、西柚汁、蘋果汁、西瓜汁及哈密瓜汁。 此外，更有汽水、青島啤酒及屈臣氏沙士，飲品是勁多元化，可以話任何年紀都啱。 酒店專頁 : 中洲萬豪酒店酒店地址 : 廣東省深圳海德一道88號電話 : +86 755 8666 6666想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
