天氣終於好返些少，至少等巴士不至於好似置身桑拿房一樣，汗流浹背。天氣太熱，好多時胃口都變差，戰鬥力大減，家陣可以重拾戰力，當然放題同自助餐就最啱我。 月前同太太就去了位於銅鑼灣金朝陽中心的“肉佐”，因為佢地有好幾款牛肉，實在好啱自己。餐廳主要是套餐為主，分為Level 1 至 5，當中尤以 Level 5最多種類。 餐廳不單止有廂房及普通檯，亦有榻榻米提供，適合不同需要的客人，點餐用QR Code是大勢所趨，但在餐廳另一角，是放滿了熱食、菜蔬、菇菌類、前菜及飲品，目測都50款以上，仲要有雪糕機同棉花糖機，實在相當豐富。點擊圖片放大 大門口處有活龍蝦缸，如果想食龍蝦刺身就要另加$198，其實都好抵食。 本身任食套餐係包大拖羅、赤身、三文魚腩、油甘魚、笛鯛及和牛壽司，當中有幾款指定壽司係只提供一round，而其他都是任點的，當然，入得門口一定係掃牛肉。而湯底亦有好幾種選擇，而今次都選了壽喜燒。 店方會送上牛脂及京蔥給大家“開鑊”。 首選一定係宮城縣產仙台A5霜降黑毛和牛（加$100可以任食）點擊圖片放大 +2 今次有宮城縣產仙台A5霜降黑毛和牛西冷、肉眼及赤身三款肉類，每份都有4至5片，份量好足，最難得是好高效率，出菜快，並非拖時間之流，令人滿意。油脂彷如大理石紋理，分佈平均，入口滿是油香，牛味濃郁，超正。 另外，更有山形縣產藏王和牛上肉及赤身。 Free Flow 套餐仲有嚴選和牛牛舌、日本廣島蠔、松葉蟹、日本帆立貝、藍鯨吞拿魚壽司、灸燒和牛壽司、油金魚壽司、季節魚刺身三文魚刺身及帆立貝刺身。點擊圖片放大 +3 除了牛肉，其他肉類都要試試，第一 round點了牛舌、豚腩、羊肉片及雞肉。 而其他牛肉就先後要了美國牛板腱、美國牛肩肉、美國牛小排以及美國肥牛片，各有不同嚼口、肉香有輕重，油香當然以肥牛最強烈，總之各自精彩。刺身 每天因應來貨而提供，是日的鮑魚、帶子及劍魚腩都好新鮮。而廣島蠔、鱈場蟹腳及扇貝是常備刺身。而喜歡自己挑選份量及菜色的，又可以去凍櫃發揮小宇宙，因為種類的確好多。 丸類有海膽包、白魚丸、蟹粉、蟹籽包、芝心包、牛丸、墨魚丸及八爪魚丸，個人覺得不如留力食牛。 蔬菜類肉同丸食得多，都要食返些少蔬菜及菇菌類，有金針菇、雞髀菇、京蔥、白菇、美白菇、秀珍菇 、鴻喜菇、南瓜、蕃茄、薯仔、冬瓜、椰菜、皇帝菜、娃娃菜、西蘭花、小棠菜、西洋菜、菠菜、萵筍以及白蘿蔔。 什類又係有十幾廿款，有牛柏葉、牛心管、生食級雞蛋 、沖繩午餐肉、日本骨付腸、芝士腸、大崎蟹柳、大甲芋頭角、韓式年糕、葛絲、牛肚、粟米、冬菇、響鈴、雲耳、蓮藕、山藥、湯葉及粟米筍。 小食有海葡萄、煙三文魚、韓式泡菜、海蜇、味附螺肉、芝麻八爪魚和中華沙律。 熟食有關東煮、咖哩角、枝豆、天婦羅蝦薯餅、炸雞塊、菜肉餃子、味噌湯及日式牛肉咖哩。主食白飯用上赤富士米，但亦有讚岐烏冬、信州拉麵白及素麵。甜品 大家記得要提早半小時落 order 點日式梳乎厘班戟（Level 4 及 Level 5 專享），因為每次只可以烘焙十幾個，根本上追不上進度，所以食到半飽已經要留肚同落 order，而班戟又真係好輕盈甜美，食得過，只可惜食得太飽，只可以消滅一個。 而雪糕機就係百味堂軟雪糕，有朱古力及牛奶兩種口味，又可以混合式，食完壽喜燒來一杯，大滿足。 如果同行有小朋友，相信見到爆谷機同自助棉花糖機就會好開心，不過最緊要有大人幫手。 其他甜品有焦糖燉蛋、抹茶奶凍、水果果凍及蕨餅。飲品 超過15款不同地方的冷熱飲品，總有一款啱心意。講真，鍾意食牛既朋友一定會滿足到你。 Facebook專頁 : NIKUSA地址：銅鑼灣登龍街1-29號金朝陽中心二期 - Midtown 8樓電話：3996 9844WhatsApp : 6809 9709味道 : 4 環境 : 4 服務 : 4 衛生 : 5 抵食 : 5 位置 : 5 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
