近月真係好鍾意同太太返深圳住酒店休息下，充充電，尤其是周末日子，好多商務酒店會比閒日平同房間較多選擇。 深圳市區好幾間都住過，今次走遠一點，跑到大學城站的博林天瑞喜來登酒店，因為多年以來，不論香港澳門深圳甚至海外，都從未住過相關品牌酒店，所以都有點期望。 由大學城站C出口，要即刻右轉，沿大街行大約十分鐘就到，附近多是住宅及大學宿舍，感覺同平日去開既酒店有點不同。點擊圖片放大 酒店由一入門口已經感覺良好，因為大堂經理及門僮會即時迎面招呼，更會主動幫手提取行李，對於一間五星級酒店而言，第一個觀感很重要。由於是早到，但酒店有房，亦不介意早安排入住，令人滿意，當然，要看當天房間的供應情況。點擊圖片放大 午餐就在酒店中菜廳天瑞軒用餐，水準非常高，尤其是龍蝦餃都不過是￥98，已經有三粒，龍蝦肉新鮮爽彈，正。 乳鴿皮脆肉滑，而大煎堆鬆脆有嚼口，不過最好有三四個人先好食。最誇張係網上套票竟然是￥226有雙人早茶套餐，仲要係酒店級喎！ 房間是屬於小套房，床是king size，軟硬適中，太太一躺上床便想先睡一覺，不過略嫌床頭與電視間有點斜角。 至於淋浴間同洗手間是分開的，而且有自動沖洗系統。點擊圖片放大 淋浴間亦有企缸及浴缸，而且浴缸位更有電視機，大可一邊浸浴，一邊睇電影。點擊圖片放大 房間更設有小型水吧，除了樽裝水是免費外，其他飲品是要付款的。點擊圖片放大 +4 因為房間關係，大家隨時可上行政樓間飲杯飲品休息一下，食下曲奇餅，又可以出露台吹吹風，加上當日不太熱，都幾舒服，如果是晚上Happy Hour，更有專人調較雞尾酒。見仲有時間，就出外行下街拍拖。 酒店附近唯一大型商場就是在地鐵出口左方，對面馬路的益田假日廣場。點擊圖片放大 +11 內裡又真係吃喝玩樂齊全，有類似冒險樂園、卡拉ok又平，仲有電影院，其實都好方便。 晚餐就在酒店享用自助餐。深圳的自助餐，尤其是酒店的，性價比有部分已去到難以置信的地步。今次都不例外，平日網上只係做緊￥348，而假日最貴都係￥398，如果家庭組合係兩大一細，仲抵，因為平日只係￥768，假期多一百，都係￥868。講返幾個回本攻略。點擊圖片放大 每位食客有半隻游水龍蝦，分別可以芝士焗或者蒜茸蒸，總之想幾時食先整，新鮮貨肉質是沒得輸。 另外，有即開進口生蠔，仲要係no.1 size，蠔味濃而有海水味，關鍵係排隊的人不多，又要無限次數及數量，蠔迷大滿足。點擊圖片放大 凍海鮮更是超多，計落有鮑魚、蟶子、加菲蟹、扇貝、翡翠螺、鮮魷、三點花蟹、瀨尿蝦、東風螺、海蝦、藍貝以及墨魚仔，足足有12款，係咪誇張到一個點？點擊圖片放大 即切牛肉一人火鍋，任食雪花、三花趾同匙柄，其他配料絕對推介新鮮鵝腸，超正。點擊圖片放大 飲品同樣誇張，不單只有紅酒、白酒、清酒、啤酒、汽水及果汁，仲特別調配了兩杯特飲 一杯是mocktail，另一杯是cocktail。點擊圖片放大 地方大就自然任性，大堂一角設有小朋友的玩樂區，仲要係非一般聊勝於無的擺設， 有滑梯、波波池及迷宮，又有小朋友專用的甜品區， 家長大學安心，係旁邊一邊食一邊睇住小朋友玩。點擊圖片放大 燉湯都有兩款，加埋鐵板燒及其他菜色，曾經聽過有人話係深圳最強自助餐，講真，我未食均全深圳，所以不敢妄下判斷，但以￥390可以食到上述菜色，又真係CP值返晒！ 食完飯就梗係去行政樓層飲杯雞尾酒chill下。見未有睡意，一於做下運動出身汗。點擊圖片放大 不過健身室並非在主大樓，要穿過天台行去另一座泳池及健身室大樓。點擊圖片放大 +8 健身室設備好齊全，見有不少人找來專業教練單獨訓練，看來口碑好好，而且更衣室設有蒸氣室，好正。一覺醒來當然要醫肚，住套房客人可以選擇在行政樓層或地下自助餐區用餐，個人喜歡熱鬧及食物多選擇，就去返昨晚用餐的地方。點擊圖片放大 值得一提是今次又有我鍾意食既班尼廸，真心推介皺皮腸粉同生滾粥，勝在配料多。食完早餐再去多次健身室郁下，都差不多時間走人。點擊圖片放大 整體令人舒服，尤其是服務態度一流，食物不論中菜廳或自助餐，都有驚喜，行政酒廊好舒服，但飲品種類可以多一點，因為我真係好鍾意飲sparkling water，但每次都要問服務員，佢地都好忙，不要太麻煩人家。 酒店專頁 : 深圳博林天瑞喜來登酒店酒店地址 : 廣東深圳南山區留仙大道4088號電話 : 00 86 755 2266 9999想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!http://www.facebook.com/foodiephilip
