相隔了三幾禮拜，又心思思上深圳充下電，今次走遠一點，去了大學城站的博林天瑞喜來登酒店。遇上幾天長假期，一於早點出發避開人潮。由落馬洲口岸過關，由4號線係深圳北站轉5號線，不計等車，車程都係40分鐘左右。 見早到，先行到餐廳用餐。 中餐廳位於酒店二樓，但踫到大堂有人包場設婚宴，選擇了半開放式的廂房。很欣賞酒店的服務態度，由入酒店大堂已經有大堂經理迎面招呼，到上中餐廳，有服務員引路，中間用餐時見旁邊的廂房都有專人招待，感覺良好。翻看餐牌，其實跟香港的差不多，部分更是比香港更相宜。 想不到前菜的回味百香果（￥68）真的有驚喜，酸甜爽脆的口感，可真能挑起食慾，如果可以多幾件會更好。點擊圖片放大 以時令的馬友魚炮製出潮式午筍魚飯（￥98），賣相真係好似壽司，不過入口仲係有些少碎骨，大家可要小心。點擊圖片放大 押上了招牌兩字的招牌龍蝦餃（￥98），自己曾在香港同集團中菜廳食過，平心而論，天瑞軒的餃子皮搓得更好，柔韌富彈性，而且緊密包裹龍蝦肉，非常出色，龍蝦肉亦吃得出的新鮮。點擊圖片放大 相信是從新加坡菜麥皮蝦演化過來的麥香生蠔（￥58），效果不鍺，尤其是麥片帶甜香，脆漿不太厚，食落內裡蠔汁熱燙，擺碟亦亮麗。點擊圖片放大 雖說“無雞不成宴”，但天瑞軒的生炸妙齡鴿（￥68/隻）用上16至18日的妙齡鴿，肉質是嫩滑，建議一點就是加入煙燻，令鴿肉吃起來能多點變化。 主菜是和味醬焗小牛排（￥188/位），賣相簡單平實，配以帶芥末的和味醬又的確幾惹味，又可以去油膩感，若果可以要求生熟度會更窩心。 一向食飯都會加碟菜，今次都不例外，點了雲釀素齋（￥88），配料是蓮藕片、雲耳、馬蹄、西芹、荷蘭豆、銀杏、甘筍片及新鮮百合，色彩繽紛，口感清新甜美，吃得出蔬菜的甜香，又可以因應不同時節作出調整，不錯。點擊圖片放大 甜品是比人頭更大的喜慶大煎堆（￥42）。要自己處理當然有難度，請放心，餐廳有專人負責剪成小片，而且擺放得猶如蓮花一樣，相當有心思，咬落傳來清脆的聲音，不過有點油膩，最好有三四位朋友先點會更好。 酒店地址 : 留仙大道深圳博林天瑞喜來登酒店二樓電話 : 0755 21308866想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
