講起下午茶，好多時會聯想起女士，尤其是近年多了酒店聯乘護膚品牌，推出好多具創意的甜點。 而來自瑞士的品牌 GLYCEL，就同灣仔六國酒店合作， 以美容護膚概念推出《誘肌》仙子下午茶。 除了Afternoon Tea 外，更免費送上護膚品試用套裝，當中包括了細胞昇華面霜三克、細胞昇華眼霜三克及細胞昇華修護液三毫升。 另外， 憑換領卡可於 GLYCEL 門市換領全效升級版魚子極致修護面膜乙片、$200現金優惠以及瑞士深海細胞修護療程一次（價值港幣$1770）《誘肌》仙子下午茶不過$488，可供兩位享用，而且有齊上述禮品，係咪好正先？整個下午茶不落俗套，摒棄了傳統的三層架，改以托盤上，色彩紛陳，放上檯位置啱啱好。 先來一份仙人果仁藜麥沙律，藜麥作為superfood 點可以無佢份？伴以香橙及小圓餅，正好有充飢的作用，但又不失味道調和。 而海葡萄啫哩配柚子醋真係好小見，尤其是海葡萄用作下午茶，酸爽的口感，令人心曠神怡。 鹹點是看得出的用心，蟹肉牛油果黑魚子撻在色彩上已經令人蠢蠢欲動，甜美的蟹肉令牛油果的質感豐富起來，再有黑魚子的鹹鮮，撻皮的酥化，食落好多種變化，好得意。 論口感清爽，一定係涼拌花膠絲珊瑚草，花膠夠滋補，凍食令人更覺舒暢，放上彩椒絲帶來少許辛勁，不錯。 以紅菜頭配芝士的鹽燒紅菜頭配山羊芝士，正好將紅白兩色夾雜，味道很有趣，但又沒有違和感。 香煎帶子伴三文魚子是將肥厚的帶子兩邊煎香，放在新鮮的沙律菜上，配以三文魚子，吃下是滿滿的海洋風味。 色澤艷麗的紅絲絨蛋糕，層次分明，輕軟度好合自己心意。 好多人都喜歡 dark chocolate ，尤其是甘中帶甜的感覺，這個柑橘醬朱古力撻，正好以柑橘皮的清香，起了平衡的作用。點擊圖片放大 真心覺得今次下午茶注入了不少健康元素，用上含豐富纖維、膳食蛋白質、omega-3脂肪酸的奇亞籽芒果布甸，香甜幼滑中，看到有不少奇亞籽，其實食甜品都可以好健康。 充滿了玩味的椰汁桃膠雪耳，正好用上品牌 Glycel 的專用盒，雪白的椰汁加上桃膠及雪耳，芳香馥郁，滋潤到一個點。 而仙人掌杏脯肉桂金寶弄成小粒，正好慢慢食消磨時間。點擊圖片放大 Afternoon tea 又點可以無 Scone？這個加入天然蜂蜜的英式橙花蜂蜜鬆餅，簡單的塗上Clotted Cream 或果醬，倍添滋味。壓軸當然係我最鍾意既 Earl Grey。Facebook 專頁 : 六國酒店地址 : 灣仔告士打道72號六國酒店1樓 電話 : 28663808 味道 : 4 環境 : 4 服務 : 4 衛生 : 4 抵食 : 5 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
