說起來已經有一段日子沒在深圳食自助餐了，當年為了寫專欄找題材，一個月內食了十間酒店自助餐，家陣記憶猶新。當年就算是星級酒店級別，很多食物都是乏善可陳，偶爾得兩三間是比較吸引的。上次同太太住過中洲萬豪酒店，不論房間或食物，在深圳都可說是天花板級別。點擊圖片放大 早前參與了一場酒店下午茶的發佈會，因利乘便，反正晚上閒著，就同相識多年朋友吃飯聊天 。 雖然作價RMB￥648，但官網訂座都不過RMB￥488，看似不平宜，但真係質素取勝，難怪是晚都7，8成客 。 每晚餐廳都有特別菜色推出，首選當然是店方專屬魚子醬，矜貴度爆燈，係自助餐中很罕見。點擊圖片放大 配上Homemade煙三文魚及小蛋餅，滋味滿分。點擊圖片放大 另一道是鱘龍魚佛跳牆，內裡有齊海參、鮑魚、鱘龍魚魚唇、鱘龍魚魚腸及花菇，炆得好入味又軟稔，尤其是個汁，充滿了骨膠原，真係好想配碗白飯。 第三道是香煎鵝肝，粉嫩質感不用說，仲要有埋擺盤，完全係 Fine Dining 佈置，單係上述三樣，相信已經回本大半。點擊圖片放大 雖然海參拌麵是常備菜色，但實在吸引，特意抽出來同大家分享。 尤其是海參處理得相當好，拌和了蔥油及醬汁，勁好味，絕對要食。點擊圖片放大 海鮮自助餐又點會無海鮮？種類真係好多，畢竟是知名酒店，質素是無從挑剔。 原隻花蟹及加菲蟹可以慢慢拆肉。 扇貝同元貝肉質幼嫩。加上墨魚仔、青口、大頭蝦、翡翠螺同熟蝦，海鮮種類係深圳可說夠多，食落亦都好滿意。 刺身有墨魚、鯖魚、油甘魚、希靈魚、三文魚及吞拿魚，解凍處理得好好，沒討厭的雪味。點擊圖片放大 壽司亮點一定係鰻魚飯，軟熟惹味，細細碗份量啱啱好。另外有蟹子壽司、鯖魚壽司、希靈魚壽司、油甘魚壽司、三文魚壽司、花之戀、吞拿魚壽司 、火炙芝士熟蝦壽司及鰻魚壽司，同樣係好多款式。 鐵板燒 即叫即煎的肉類有牛扒、豬扒及羊架，而海鮮有紅衫魚、黃花魚、倉魚及羅漢魚。 燉湯絕對推薦的無花果鱘龍魚筋燉老雞湯，鮮甜味美，入口一陣醇香，自己無可能燉到。 扒類喜歡食肉的朋友，大可來一片戰斧牛扒或者烤羊扒。熱葷點擊圖片放大 單係小龍蝦已經有麻辣小龍蝦及蒜蓉小龍蝦兩種口味，食落真係好惹味，不過要剝殼又幾煩下。是日以鱘魚做主角，所以好多鱘魚菜色。 鳳梨咕嚕鱘魚酸酸甜甜，又有些少脆口，內裡軟綿，好食。 蒜子香茅焗鱘魚又係好惹味菜色，好啱送酒。點擊圖片放大 +3 其實好多海鮮菜色，蒜蓉粉絲蒸帶子啖啖肉、黃椒醬蒸青口辣得有層次、XO醬西芹炒螺片好香辣，加上宮保蝦球 、蒜茸焗生蠔以及天婦羅生蠔，海鮮陣容好豐富。點擊圖片放大 +2 行入餐廳較後位置，有德式風味香腸、香橙鴨胸、香煎羊丁骨、桑巴醬烤龍利魚、照燒牛舌、爆炒魷魚、酸辣牛筋 、薑汁芥蘭、德國咸豬手同埋牛肉炒飯。個人推薦軟稔的牛舌同有嚼口的爆炒魷魚。 燒味又有烤鴨、叉燒及烤雞。點擊圖片放大 +4 沙律、芝士及Cold Cut當然會有DIY沙律及芝士等輕食。點擊圖片放大 +2 甜品 先係香港都好少見既旋轉雪糕機，深圳真係第一次見，內裡是抹茶、tiramisu、朱古力、芒果、香草及 Rum酒葡萄乾口味，好正。 至於個人推介甜品係好健康既桃膠燉雪梨。 仲有滑溜甜美的椰汁焦糖燉蛋。 最有特色相信係榴槤煎餅，即煎即食熱辣辣，又充滿榴槤香味，鍾意食榴槤朋友一定啱。 小朋友當然鍾意朱古力噴泉，因為可以用草莓棉花糖或提子來蘸點朱古力漿。 而凍櫃又有各式迷你蛋糕、檸檬撻、芝士餅、奶凍及啫哩。飲品 餐廳特別設計的宮崎駿的夏天，有帶酒精版及無酒精版，很清新怡人。 小朋友可以飲果汁，有葡萄汁、蘋果汁、哈密瓜汁、西瓜汁及西柚汁，選擇好多。點擊圖片放大 而且紅白酒可以任飲，後生仔就梗係飲汽水同啤酒啦！酒店專頁 : 中洲萬豪酒店酒店地址 : 廣東省深圳海德一道88號電話 : +86 755 8666 6666想知道更多深圳資訊 :深圳美食玩樂團(更新版)大灣區吃喝玩樂齊分享小紅書 : 美食焚化爐IG : foodiephilip希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
