若果你係海鮮控，我諗港島香格里拉 Cafe Too 一定可以滿足你。點擊圖片放大 酒店大堂一角，擺放了兩個大魚缸，內裡全是鮮蹦活跳的波士頓龍蝦及大頭蝦，夠吸引了吧？點擊圖片放大 原先放燉湯的位置，已經改為擺放蒸好的龍蝦。點擊圖片放大 游水龍蝦兩食（清蒸及蒜蓉）每次只能取半隻，但係可以無限再拎，仲要有清蒸及蒜蓉兩種口味，新鮮貨肉質有幾嫩彈，大家心中有數，最好係逐次拎，保證新鮮熱辣。 白灼游水大頭蝦同樣係另一亮點，因為好多都有膏，拎上手仲熱，肉質爽彈盡在不言中。 白灼螺當然係新鮮貨，煙韌的口感好正，可惜無兒時最愛的鴛鴦色紅黃甜辣醬。點擊圖片放大 茅台炒醉蝦係鐵板燒位置，有堂弄炒醉蝦，放火版本令酒味四溢，又點可以錯過？其實港九兩間香格里拉都有同本地品牌合作，Cafe Too就有一樂燒鵝同低調高手。 中環一樂燒鵝一向出名，仲要係米芝蓮榜上名單，家陣不單止無須係人地門口排隊食塵，仲可以任食加任意挑選部位，真係無得輸。 而鵝油炒飯更加係錦上添花之作，好香鵝油味之餘，粒顆分明有嚼口，有水準。刺身點擊圖片放大 每晚7點半左右有即切大拖羅，食多兩片已經係回本位。 本身亦都有阿根廷赤蝦、希靈魚、三文魚、油甘魚、甜蝦、中拖羅及象拔蚌，又係一個食完想再食。點擊圖片放大 而壽司有鰻魚壽司、三文魚壽司、鯖魚壽司、吞拿魚壽司及玉子燒。點擊圖片放大 海鮮類凍食海鮮區就有花蟹、瀨尿蝦、蜆、麵包蟹、熟蝦、青口、翡翠螺及雪場蟹腳，種類超多，而且解凍做得好好，沒有討厭的雪味。至於其他海鮮有： 醉鮑魚雖然放係頭盤區，但好大隻，絕非迷你版，又醃得入味，煙煙韌韌，正。係其他地方分佈了不同的海鮮菜色。 避風塘炒龍蝦辣辣地好惹味。 椒鹽鮑魚仔除了嚼勁，仲多了一入辛椒咸香的口感。 豉椒炒蜆很地道的美食，充滿了童年回憶。蠔皇鴨掌蝦子燴海參很有宴會菜的氛圍，鴨掌不會太淋，海參好滑溜。 金銀蒜粉絲蒸龍躉啖啖肉最啱自己這類懶人。點擊圖片放大 +3 另外，仲有竹笙瑤柱豆腐海皇羹、辣酒煮螺、蝦乾小炒王、蜆蚧鯪魚球、花蟹粥以及果皮蒸魚。Carving Station點擊圖片放大 +2 同樣係海鮮，鐵板區有海蝦、鱲魚及魷魚既可鐵板煎，又可以烤焗，幾好。 肉類中燒雞以及牛扒當然絕不能少。 泰國船麵點擊圖片放大 又一隱藏美食就係泰國船麵，最正係個湯底，好鮮甜夠味，配料就有牛肉、肥牛、墨魚丸、牛丸、魚蛋、魚片、鮮魷、鮮蝦、青口及芝心丸，加埋豆卜、芽菜、通菜、油麥菜、生菜、菜心、生麵、檬粉、河粉及米粉等主食，對於好似我既澱粉質怪就最啱。熱葷西式方面有： 燒鵝清湯意大利雲吞可以話係中西結合，以燒鵝入饌不意外，但放係意大利雲吞內又真係好少見，效果出奇地不錯。點擊圖片放大 另外幾款係紅酒燴牛肉、炸雞及燒椰菜配水瓜柳牛油汁。中式方面： 蝦餃燒賣是自家出品，尤其是蝦餃加入了筍尖，很清爽的口感，燒賣就吃得出肉的鮮味。 其他的有酸梅骨、黃金茄子、藏紅花飯及牛油雞。 燒味自家出品的蜜汁叉燒、豉油雞、鹵水蛋及鹵水豆腐。湯 個人好鍾意飲燉湯，無他，因為實在要好花時間，所以一有機必飲，今次數燉湯是川貝南北杏雪梨燉瘦肉，夠清潤，好啱我成日捱夜睇波人士。 而西湯係好滑溜鮮甜既南瓜湯，中湯就係好家常 feel 既清補涼。 日本串燒及章魚小丸子串燒有雞軟骨及雞腎，加埋小丸子，佐酒最好。 沙律有魷魚青口沙律以及烤蝦小米沙律。 頭盤有煙三文魚、莎樂美腸及cold cut。 麵包有Laugen、牛油麵包、迷你法式麵包、意大利香草和芝士麵包及蒜蓉法式麵包。 甜品整個甜品區，打造成花園一樣，團團由大量甜品包圍，真係未食先興奮。 首選當然係本地品牌低調高手雞蛋仔，即場烘焙，又係任食，無須特登去買同排隊。 再上係熱辣辣燕窩蛋撻同格仔餅，蛋撻好香蛋味，邊位又鬆化；格仔餅又可以加雪糕同鍊奶，變化多端。 哈根大師雪糕有抹茶、士多啤梨、rum酒提子、咖啡、雲呢拿及比利時朱古力口味，加落格仔餅好正。點擊圖片放大 +9 要數甜品真係有排講，其中一邊係綠茶紅豆大福、麵包布甸、黑芝麻大福、玫瑰覆盆莓泡芙、檸檬蛋糕、馬卡龍、朱古力鳥結、柑橘朱古力撻、朱古力布朗尼蛋糕、Financier及柑橘寒天。點擊圖片放大 +8 而另一邊係荔枝茉莉花茶蛋糕、白朱古力士多啤梨蛋糕、黑朱古力百利忌廉甜酒蛋糕、榛果牛奶朱古力蛋糕、豆腐慕絲蛋糕、櫻花白豆蓉卷、雲呢拿芒果蛋糕、焦糖香蕉朱古力蛋糕以及桂花奶茶蛋糕。單是甜品近30款，各種口味都有，其實已經足夠當下午茶。飲品點擊圖片放大 除了一般的茶及咖啡，仲有6款飲品，包括Bubble Tea有 Original 、 Taro 及 Melon口味，另外又有三款特飲，包括雜果賓治、西柚青檸檸檬茶以及橙汁，大家仲可以加珍珠及爆珠，配搭出個人專屬口味。點擊圖片放大 整個自助餐都充滿回本位，尤其是海鮮控真係食極都有新發現，真心值得推薦。Facebook專頁 : Café Too地址：金鐘金鐘道88號太古廣場港島香格里拉7樓電話：28208571味道 : 4 環境 : 4 服務 : 4 衛生 : 5 抵食 : 5 位置 : 5 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
