自助餐係香港一向屬於最受歡迎的種類,尤其是一大班人可以各取所需,無需點菜時要遷就對方,但有件事就好奇怪,香港人就算點狂上深圳,四圍發掘新食肆,就硬係好少提自助餐。點擊圖片放大 早排就試了特意由前海Jen 的行政總廚姜鐘根師傅 Cross Over 的韓式自助餐。點擊圖片放大 雖然供應期有限,但家陣已經轉了海鮮主題,不單內容更豐富,最重要一點,就係4月20日,酒店方面邀請了具500年歷史,隸屬於俄羅斯格林卡合唱團學院,格林卡男童合唱團,但只在當天下午三點,在廣深廳表演一場,機會難逢。(至於曲目及詳情,請按傳送門)(只供微信客戶)https://s.jdzd.cn/48cYDJ有見及此,酒店方面就推出好幾款套餐,當中更包括有:購買VIP2類門票(988元/套)即能享受以上所有體驗套票包含以下礼遇·含VIP門票2張入住豪華閣客房1晚(含豪華閣雙人早餐)豪華閣歡樂時光、豪華閣雙人下午茶1份及次日16:00延遲退房,人均¥500左右,已經包晒聽歌、住宿同下午茶,CP值夠高了吧? 其實仲有包自助餐套票,價錢當然會有所不同,但睇完介紹,大家不妨加入考慮之列,至少無須四圍走搵餐廳嘛!早前舉行的韓風菜色,又的確超多菜色,周日至四¥288,而周五、六都係¥358,雖然家陣轉成了海鮮主題,相信價錢不會相差太遠,更何況如果聽歌,仲會更加抵食。 餐前先送上十八小碟前菜漬物,開開胃口真好。海鮮類 每位客人有一隻龍蝦,大可選擇鐵板芝士或蒜蓉,超正。 凍食有加菲蟹、海蝦、扇貝、瀨尿蝦、青口以及鮮魷。韓式風味點擊圖片放大 最吸睛的一定是原隻韓式鐵板魷魚,因為實在勁大隻,鐵板完後,依然比手掌還要大,柔韌香口,超正。 旁邊亦有烤串燒雞肉、牛肉及豬肉,但都是韓式風味,佐酒一流。 自已去韓國旅行時,經常會在街頭買魚餅串食,家陣係魚餅串配蟹肉湯,味道多了蟹肉的鮮甜,更加吸引。湯 真係從未見過自助餐內有如此多湯類提供,單是燉湯已有蟲草花烏雞湯、西洋菜排骨湯及茶樹菇排骨湯。 仲有海鮮嫩豆腐湯及牛肉海帶湯,喜愛喝湯的朋友,選擇真多。撈汁海鮮 雖然今次沒有醬油蟹,但依然有撈汁海鮮,瀨尿蝦、青口、鮮魷及海蝦,都相當受歡迎。點擊圖片放大 想輕食一點,又有韓劇中常見的韓國炒年糕、韓式炒雜菜、韓式燒牛尾和炒香辣豬肉。 自己就幾喜歡韓式海鮮粉絲同韓式冷麵,畢竟是“澱粉質怪”嘛! 還記得當年“星星”一劇帶來的韓式炸雞風潮嗎? 同場有泡菜蝦仁炒飯、豉油皇雞翼、避風塘炒蝦、蒜蓉炒西蘭花。 其實已經好飽,但仲有海鮮蔥煎餅、油雞叉燒、芝士香辣排骨、炭烤牛小排。Carving Station 有原隻香草烤雞,切了一片試試,肉質又幾嫩喎! 加上即煎羊架、豬扒同牛仔骨,又係好啱送酒。火鍋 同好多深圳自助餐一樣,係有小火鍋提供的,而且種比起香港好多連鎖店認真及多選擇。單是火鍋湯底已經有粥底火鍋、潮汕牛肉火鍋、川味麻辣火鍋以及花雕雞火鍋。 肉類有牛胸油以及嫩肉,仲要係即切,新鮮程度爆燈。 面底就有好幾款韓式即食麵同中式粉麵。點擊圖片放大 另外有肥牛、牛丸、魚皮餃、海蝦、魚蛋、鮮魷、菜蔬、豆卜及雜菇。 如果想簡單的食碗麵,又有擔擔麵醬、蕃茄雞蛋佬、港式蘿蔔牛腩、鹵水豆乾、鹵水雞蛋和鹵水五花肉作配料。刺身 有齊三文魚、吞拿魚、希靈魚、鯖魚以及鯛魚,解凍處理得不錯,沒有討厭的雪味。 當然有雜錦壽司同埋日式前菜。 清清地,不妨來一份DIY沙律。點擊圖片放大 甜品點擊圖片放大 個人覺得香咖啡的甜品算是同級酒店中較出色,賣相一流,款式都多,小巧迷你的有迷迭香海鹽馬德林、 樹莓歌劇院蛋糕、Walnut Pie、 巴伐利亞草莓青檸蛋糕、 菠蘿百香果香蕉蛋糕、 法式雜莓巧克力蛋糕、 青蘋果凍芝士蛋糕、 綠茶歌劇院蛋糕,造型維妙維肖,像真道極高。點擊圖片放大 +3 仲有原個紅絲絨蛋糕、焦糖燉蛋、榴槤班蘭戚風卷、 楊枝甘露、巧克力樹莓庫利慕絲、巴斯克蛋糕、意大利奶凍 、巧克力布甸、兩款朱古力噴泉、爆谷及本地品牌雪糕8款。飲品點擊圖片放大 除了必備的紅茶咖啡外,又有多款白酒、韓式飲品及真露,加上小朋友喜歡的西柚汁、菠蘿汁、可樂及雪碧。 香咖啡的自助餐套用一句,實在是“大件夾抵食”,質素又高,4月20日買套票仲有歌聽,真心覺得不錯。酒店專頁 : Shangri-La ShenzhenFacebook專頁 : 深圳羅湖香格里拉酒店酒店地址 : 廣東省深圳羅湖區建設路1002號2層電話 : 15807553798想知道更多深圳資訊 :深圳美食玩樂團(更新版)吃喝玩樂大灣區高鐵遊*樂悠悠小紅書 : 美食焚化爐IG : foodiephilip希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip