近排香港人真係鍾意北上消費，但住得遠離邊境既未必會經常北上，其實香港仲有好多值得大家留係度食飯店舖。九龍酒店龍逸軒是自己經常去的菜館，外甥結婚擺酒，同中同飯聚都係其中一個落腳點，無他，食物有水準，而且地點就腳，腳底下就是地鐵站，幾大風雨都無問題。而今次有點特別，原先［倚窗閣］是以自助餐作主打，今次另有了［鮮］氣來襲蒸氣套餐，4位起，eshop購買有折，連埋加一都係$688/位，仲可以係Buffet檯任食當天甜品。但因為在指定範圍享用，所以人數最多只得20位左右，要訂座就要快。 今次蒸海鮮有多達12款醬汁及配料，當中較有特色的是龍逸軒皇牌XO醬、自家製薑蓉蟹醋、四川麻辣汁及泰式酸辣汁。 \ 至於無叉燒及甜品食既［冰火鮮］，就可以平$200，折扣後先係每位HK$488左右，但湯底就只有韓式人參海鮮粥及台式鹹粥供選擇。如果想無限暢飲，就只須另加$38（+10%服務費），就可以free flow 紅白酒、生啤、汽水、咖啡及茶。供應日子及時間是星期一至日：晚上6時至9時30分，不過就要預早兩日訂位，因為要準備新鮮貨。訂檯傳送門 :「鮮」氣來襲 蒸氣海鮮晚市套餐｜九龍酒店倚窗閣 (harbour-plaza.com)家陣就帶大家睇下究竟有幾豐富。鱻上鮮主打用<蒸氣> 嚐鮮，兩款套餐會有食材及湯底選擇的分別。 率先上場是海鮮剌身拼盤：有愛爾蘭及美國生蠔、北海道帶子、挪威三文魚、油甘魚、阿根庭紅蝦及翡翠螺。點擊圖片放大 全部都是新鮮貨色，生蠔是即開，相比之下愛爾蘭蠔較爽身，而美國蠔就肉厚。 至於幾款刺身，個人首選肉質軟熟的北海道帶子。 而阿根庭紅蝦大大隻又鮮甜當然係必食。點擊圖片放大 而三文魚、油甘魚同翡翠螺就各有捧場客。 之後係龍逸軒名物自家製蜜汁西班牙黑毛豬叉燒，邊位少許焦香，又有嚼口，送白飯一流。套餐中另一亮點，當然係篜海鮮。 餐廳方面會提供蒸海鮮的最佳時間紙及時間計，大家只要將海鮮放在專屬電子蒸鍋內，按照提示去蒸就可以，超方便。 海鮮是集齊了龍蝦、扇貝、鮑魚、大蜆、沙巴龍躉片、海蝦、美國頂級安格斯牛小排、醉雞及田園蔬菜。所有海鮮全屬新鮮貨，除了扇貝加上蒜蓉更加惹味外，其他海鮮都吃得出鮮味，再加上12款醬油自行配搭，美味盡顯。點擊圖片放大 最吸引的就一定係龍蝦，蒸熟後肉質飽滿雪白，爽口彈牙，簡單的下點魚露，美味。 扇貝加上了蒜茸及粉絲，蒸熟後惹味到一個點。 新鮮鮑魚肉質當然柔韌。點擊圖片放大 沙巴龍躉勁厚肉，大蜆毫無砂石。 美國頂級安格斯牛小排油花分佈均勻，只要蒸兩三分鐘就可以，既滑又滿有油香。 醉雞略嫌酒香稍弱，但肉質嫩滑搭夠。而在蒸海鮮、美國頂級安格斯牛小排及醉雞的過程中，肉汁都會流落底層的清水之內。而四款款湯底選擇分別是韓式人參海鮮粥、台式鹹粥、日式海鮮稻庭麵或蠔仔粥共四款。而累積了各種海鮮汁及肉汁的湯底，會由專人代為煮粥底。點擊圖片放大 今次仗著人多，一口氣試了兩款口味，蠔仔粥加入了肉碎及梅菜，而台式鹹粥好有特色，鹹中帶甜，而甜度是源於蔬菜，好味。點擊圖片放大 記得食完仲可以去BUFFET區狂掃甜品呀！Facebook 專頁 : The Kowloon Hotel 餐廳專頁 : 九龍酒店倚窗閣 地址 : 尖沙咀彌敦道19-21號九龍酒店2樓 電話 : 27343803 味道 : 4 環境 : 4 服務 : 4 衛生 : 4 抵食 : 4 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
