仍記得屋企樓下曾經先後出現過兩三間日式食肆,雖然都是街坊格局,出品不甚了了,但總算可以止下渴,只可惜質素越來越差,結果只是曇花一現。其實,北區都有好幾間日式食肆,都係以迴轉壽司為主,有時想吃得好一點,就要跑到沙田去。 位於沙田帝都酒店的櫻田日本餐廳,毗鄰火車站,行過去不用十分鐘,其實幾方便,附近仲要有大量商舖可以逛街,真係不愁寂寞。而今次供應期只係去到今年1月31日,但有分三種價錢,當然係食材上有差異。兵庫縣A5紅酒牛就基本野,如果配南非鮑魚(一人前)原價$988,星期一至四優惠價$788,星期五至日、公眾假期及前夕$838;薄燒紅酒牛配法國藍龍蝦係同樣日子就$1788、$1388及$1438,至於配加拿大蟹御膳(二人前)價格分別為$2288、$1788及$1838,當然係要加一服務費。中午較後時段避開午膳時間,可以選擇吧檯,欣賞師傅的手藝。蟹肉沙律 除了蟹肉,紫椰菜、車厘茄及青瓜清新怡人,正好用來開開胃口。點擊圖片放大 海鮮推介點擊圖片放大 原隻即劏加拿大珍寳蟹,份量十足,多餘的部位早已切得乾乾淨淨,蟹肉自然是甜美,蟹蓋內是豐腴的蟹膏,每口都邪惡但必食。燉蛋 中間夾雜了一碗燉蛋,火喉啱啱好,內裡是銀杏及冬菇,滑溜可口。 兵庫縣A5神戶紅酒牛御膳 原塊A5神戶紅酒牛,油脂分佈平均,雪花紋理極為吸引,師傅亦細心詢問客人要求的生熟度。點擊圖片放大 今次medium rare處理得相當好,鬆軟而有嚼口,臨上檯時用火一炙,令外層帶微脆,喜歡的大可加上炸蒜片一齊食,多添一份香脆的口感。炒飯 以鐵板炒總是覺得有風味,普通不過的蛋炒飯再下點蔥花,美味其實可以好簡單。味噌湯 很喜歡在飯後喝上一口味噌湯,感覺好舒服。炒什菜 係時候來碟什菜清清味蕾。海鹽雪糕 每次味道不同,朋友選了豆腐,而自己就是海鹽,說說笑笑,竟不知不覺地聊了一個中午。作為2024年第一篇食評,希望飲食業在陰霾下走出困境,以優質服務及創新的菜色,挽留客人。餐廳網址:www.royalpark.com.hkFacebook 專頁 : 帝都酒店地址 : 沙田白鶴汀街8號帝都酒店3樓 電話 : 26943810 味道 : 4 環境 : 4 服務 : 5 衛生 : 5 抵食 : 5 IG : foodiephilip 小紅書 : 美食焚化爐 希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip