自從地鐵有海洋公園站後，出入真係方便到不得了，就算約人食飯，都不會覺得遠，而且仲可以避開人潮，其實真係一個不錯的選擇。點擊圖片放大 近日海洋公園萬豪酒店推出最新的午市套餐，反正同朋友好耐無見，一於來個午間飯聚。 《經典明爐燒味》（每款$168） 套餐本身配中式老火湯或西式濃湯，中湯今日是很家常的青紅蘿蔔豬腱湯，但夠火唉，醇厚甘香；西湯是意大利雜菜湯，菜蔬的甜味都融入湯裡，不錯。 蜂蜜炙叉燒傳統脢頭叉燒可以話百吃不厭，尤其是厚切啖0啖肉，外層焦香令肉味更引誘，塗上蜂蜜甜度來得自然，配上燶邊荷包蛋，戳穿蛋黃，令蛋漿混和米飯，豐腴的口感簡直是人間美味。 香露頭抽浸雞大廚選用了三黃雞，以頭抽用slow cook 手法把雞肉浸熟，火喉控制得啱啱好，雞肉嫩滑到一個點，陣陣頭抽的香味滲入雞肉，好味。 明爐燒鴨太大的鴨肉會較韌，選用較小的米鴨，肉質自然較嫩及多汁，鴨皮烤得香脆可口，少許羶香我好鍾意。若是想換換口味，沒問題，又有東南亞風味的主食。《招牌東南亞美食》（每款$188） 乾炒澳洲和牛河粉畢竟是五星級酒店，單是炒牛河已經要用上澳洲和牛，軟稔入味，更覺矜貴，醬油其實是瑞士汁，多了一份甜香，加以洋蔥絲及蔥段爆香，一道傳統風味都昇華了，更何況炒得好乾身，碟底毫無多餘油份，每條河粉都平均沾上醬油，師傅好功夫。點擊圖片放大 星州炒米又是見功夫之作，米粉炒得好乾身，陣陣辛香比尋常的更見層次，細問之下，原來是以13種香料與薑黃粉調和去炒，當中加入自家製叉燒、大大隻蝦仁、雞蛋、洋蔥及蔥段，難怪香味獨特，看似平凡，實際見真章。點擊圖片放大 無骨海南雞飯酒店客人有不少是本地親子客，小朋友客都幾多，海南雞飯相信是特意褪骨，方便小朋友或老人家食用，真的很窩心。 雞同樣是三黃雞，以蝦米瑤柱水浸泡至40分鐘，好讓雞肉入味，最難得係有三色醬以及配搭埋蘿蔔雞湯，比起坊間不少餐廳只提供薑蓉或例湯是認真得多，作價$188是相當合理。其他兩款是［芝士焗豬扒配蛋炒飯］及［港式咖喱雞飯］，看來總有一款合心意。就算是中午，一餐飯欠了甜品總是覺得未夠完滿，對嗎？ 香茅焦糖燉蛋配雜莓（$108）表面焦糖薄薄的一層，處理得相當好，燉蛋亦恰如其分的香滑，淡淡的香茅並沒有喧賓奪主，反而令整個甜品更滋味。 芒果椰子意式奶凍（$108）芒果選得好，芳香馥郁又甜美，panna cotta滑溜可口，完美的配合，這個中午真美好。Facebook 專頁 : Hong Kong Ocean Park Marriott Hotel 地址 : 黃竹坑黃竹坑道180號香港海洋公園萬豪酒店海岸地下 電話 : 35551700 味道 : 4 環境 : 4 服務 : 5 衛生 : 5 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
