個人覺得香港人有兩種飲食模式係一年四季都鍾意，第一個係Buffet，而另一樣就係打邊爐。就算家陣天氣經常30幾度，只要係室內快大冷氣，又可以好好享受一番。早幾山林道火鍋店林立，馬路兩旁泊滿車，非常熱鬧，雖然疫情後生意有影響，但總有一班捧場客。 伍佰火鍋店是樓上舖，二樓係大堂，坐位闊落，感覺幾舒服，而再上一層是廂房，喜歡圍內一班人，就最好不過。 餐前先來一杯馬碲竹蔗水打打底清熱。 望望Menu，套餐特價後只不過$398，當中已包含6款海鮮料、三款極上刺身拼盤、十款自選食材及蔬菜拼盤，如果在Facebook點讚及Share，更有蔬菜任食及飲品任飲（不包啤酒及汽水）。 二話不說，三款刺身是劍魚腩、大吞拿魚腩及三文魚，每片都是厚切，吃得出的新鮮，比起壽司店不落下風。 識食友人更加點野生加拿大象拔蚌，薄切下肉質爽甜，蘸點一下醬油味道更鮮。 由於天氣實在太熱，只要另加$98，就可享用冬瓜盅湯底，湯底本身已經有珊瑚蚌、蟹柳及蝦肉，先喝一口，非常清甜。主角終於上場，就係海鮮拼盤。 當中包括了蟶子皇、南非鮑魚、青口、日本法螺、沙白及九節蝦。若果問我最喜歡是哪一款，我一定首選蟶子皇，只須灼半分鐘，就已經可以食用，肉質又爽又甜，好正。當然，食海鮮要新鮮是必然的，而店方取貨亦有質素，食得過。點擊圖片放大 翻看菜單，超過了四十款，套餐可選當中10款。 主角中的主角就是美國安格斯肩胛牛，肉質鬆軟有嚼口，蘸點醬油更惹味。另一款是伊比利亞黑毛豬，肉味濃。 因為不能重覆，所以就算有朋友對羊肉麻麻，都來了一份西冷羊肉片，不過羊羶味好輕，相信好多女士會接受。 說到肉味濃，牛脷托可算是其中之一，薄薄一片好快熟，但又不失肉味，不過個人始終喜歡厚切。 至於牛胸爽，其實廿年前已愛上的火鍋料，簡單的灼十零秒，爽口有油香而不油膩，自己掃一碟都無問題。 另一道牛黃喉亦都是爽脆口感，不錯。 其實大家都鍾意食牛，追加了新鮮手切本地牛肉，肉質嫩滑，又是另一番滋味。點擊圖片放大 單單食肉類其實好寡，加上火鍋大配角鮮豬肉丸、瑤柱水餃、韭菜餃及墨魚釀豆卜，令食味更豐富。掃完肉類，係時候來個蔬菜拼盤，清清腸胃。 食到尾聲，冬瓜肉都已經夠稔及吸了味，又可以食埋，真係大滿足。地址 : 尖沙咀山林道21-23號1及3樓 電話 : 6199 7676 味道 : 4 環境 : 3 服務 : 4 衛生 : 4 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
