踏入六月，終於到囝囝同我慶祝父親節了。其實去酒樓又真係幾逼同趕，今次介紹六國酒店Le Menu Buffet。酒店早前裝修完，自助餐的內容有了大幅改善，雖然說不上頂級，但比起城中不少名店要好。星期一至四：全時段（1745-2215）成人/$638 小童/$448A：1745-1945 成人/$538 小童/$348B：1815-2015 成人/$538 小童/$348星期五至日、公眾假期及前夕全時段（1745-2215）成人/$698 小童/$498A：1745-1945 成人/$598 小童/$398B：1815-2015 成人/$598 小童/$398另加$68，無限暢飲汽水及凍果汁，至於加$98，更升級暢飲啤酒、紅白酒及氣泡酒。 海鮮 有任食波士頓龍蝦，仲要隻隻有膏。 咖啡蟹又係半隻上，同樣充滿了蟹膏，真邪惡。 其他海鮮有青口、凍蝦、翡翠螺同長腳蟹爪，陣容已經不錯。刺身點擊圖片放大 必食期間限定火炙和牛壽司 不過每位每次只取一件，想食就走多兩轉。 刺身類有吞拿魚、八爪魚、甜蝦、馬刀貝、劍魚及三文魚，解凍處理得不錯，亦覺新鮮，畢竟是酒店出品，有一定水準。熱葷 首選一定係［蠔皇扣鮑魚］，煙煙韌韌的好入味，而且任食，一見無就refill，感覺良好。 另一道當然係［燴花膠］，絕非碎濕濕出品，可以補充骨膠原，對身體好。 有時候出街食飯，好鍾意點自己在家不會弄的菜，［酥炸生蠔］就係其中之一，無他，要用大量的油，又要調較炸漿，麻煩到死，還是出街食乾手淨腳，對嗎？ 啖啖肉［清蒸星班］是起骨後班片上，毫不怕魚骨，好啱懶人。 想不到自助餐有［芝士蘑菇焗蟹蓋］食？如果係中菜廳單點，一百幾十跑不了，家陣任食，而且焗得恰好，正。單單有上述幾款菜色，足以令大家回本，其實仲有好多熱葷啱大家食，而且偏向中式，其實好啱家庭客。點擊圖片放大 +2 當中有慢煮紅酒和牛面頰肉、和牛肉醬意粉、日式和牛玉子炒飯、煎大蝦配龍蝦汁、迷迭香蜜糖燒雞、海南雞、海鮮蒸蛋白、欖油香草燒比目魚、燴鴨掌、避風塘炒龍蝦鉗、娘惹咖喱及印度薄餅。灼料吧點擊圖片放大 以壽喜燒炮製的的［火鍋和牛片］又係必食，加上金菇、京蔥、蒟蒻及冬菇，美味到一個點，但建議要早食，因為時間一耐，湯底便會變得較濃。Carving Station 鴨肝多士即叫即煎，保證熱辣辣豐油香，但份量較細，也好，因為好邪惡，食少少夠了。 另外有肉味濃郁的烤焗特級有骨牛肉眼，尤其是骨膜位油香更豐富。點擊圖片放大 加上燒羊架、燒豬腩仔以及即包片皮鴨，食肉獸應該收貨。 至於鐵板燒有雞軟骨、紐倫堡腸、鮮菠蘿、虎蝦、多春魚同埋沙嗲雞串燒。湯 西湯是蕃茄海鮮湯，而中湯是瑤柱海鮮羹。沙律及Cold Cut 有煙三文魚、鮮蝦海葡萄蔬菜啫喱、菠菜蛋批、凍肉碟、莎樂美腸、意大利火腿、青木瓜柚子鮮蝦沙律、鷹咀豆藜麥牛油果沙律、中式木耳蓮藕沙律及凱撒沙律。甜品 又到哈根大師出場時間，杯裝有朱古力、香草及 strawberries & cream，食幾多都得，仲要夠衛生。意猶未盡，又有Matcha Green Tea & Almond、Vanilla Caramel Almond 及 Chocolate Choc Almond 口味。點擊圖片放大 而係凍櫃及甜品區，會有柚子果凍、焦糖蘋果芝士蛋糕、士多啤梨慕絲蛋糕、杏仁梨蛋糕、特濃朱古力蛋糕、蜜柑凍餅、黑加侖子奶凍、格仔餅、葡撻、麵包布丁、焙茶拿破崙、焦糖燉蛋同埋椰汁西米糕。點擊圖片放大 即場仲加插［酒煮車厘子］，人人有份。Facebook 專頁 : 六國酒店地址 : 灣仔告士打道72號六國酒店1樓 電話 : 28663808 味道 : 4 環境 : 4 服務 : 4 衛生 : 4 抵食 : 5 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
