晨曦初露,又係時候做運動。 係香港就慣了落公園跑步,太太趕返工就欠奉。 今次經酒店安排,係私屬海灘做瑜珈,又真係幾有趣。 因為要夾啱潮退關係,所以要一早六點係大堂集合,瑜珈導師同軟墊都由酒店提示,大可輕身上陣。 課程大約一小時,聽著海浪聲,望著太陽徐徐昇起,有種洗滌心靈的感覺。 順帶一提,原來酒店每天都請專人清理飄浮上海灘的海藻及什物,難怪海灘會乾淨到一個點。 出了一身汗,梳洗過後當然要醫肚。 住宿本身已包含早餐,而用餐點就是昨晚的[蔚藍閣]。 點擊圖片放大 +3 畢竟是大集團酒店,食物有一定水準,自己係澱粉怪,先來一碗牛腩麵,而雲吞是現包現煮,保證新鮮。 太太的雜錦粥材料非常豐富,有齊雞肉、魚柳、牛肉、蝦仁、豬肉及皮蛋。 蛋類變化最多,常見的烚、煎、炒及奄列少不了,竟然還有即叫即整的 Benedict,又是一個賣點。 點擊圖片放大 中式點心有驚喜,蝦餃皮透而富彈性,仲有蒸排骨、黑椒牛仔骨同牛肚,份量啱啱好,味道比香港酒樓毫不遜色。 點擊圖片放大 +2 麵包類都有好多款,中西式都有,尤其是有肉夾饃,真係好少見。 點擊圖片放大 +2 至於其他例如Cold Cut、煙肉、火腿及雞肉腸當然有。 想健康一點?飲品例如乳酪及穀物類都有提供。 點擊圖片放大 果汁有鮮橙汁、西瓜汁及青瓜汁,又有soft drink同即沖咖啡,各自點了 Cappuccino 同埋 Latte,賣相同香味都不錯。 點擊圖片放大 其實[蔚藍閣]係獨立建築物,四周彷彿有水包圍,不難找到打卡位。 點擊圖片放大 見仲有時間,一於去主樓行下幫助消化。 原來兒童遊樂設施大多位於主樓。 因為酒店臨近海灘,所以附有水上用品售賣部,貨品又幾齊全喎! 點擊圖片放大 +3 另外當然有兒童遊戲室。 係大堂又有夾公仔機。 又係一句,地方大就可以任性,竟然有可以繞場一周的無軋小火車。 又有旋轉木馬,小朋友大把地方去玩。 其實酒店每日都有活動安排比小朋友,詳情可睇大堂告示或者向前檯職員查詢。 至於大人,當然有設備齊全健身室。 同樣設施係[洲際行政俱樂部]一樣有。 若果怕太陽晒,又或者天氣不似預期,請放心,有室內泳池。 玩完又覺肚餓,今次轉戰主樓內的[源•咖啡]開餐。 五位朋友點了兩個套餐都已經夠食。 一款有澳洲龍蝦海鮮叻沙湯面。 而另一款有澳洲牛扒、法式羊排、碳烤生蠔、碳烤元貝以及香煎三文魚扒,係咪豐富到一個點呢? 點擊圖片放大 +2 見未有車,就四圍行下,係泳池一角,有搭建起露天營地,在吹著海風享用下午茶之餘,又可以好好品嚐手沖咖啡的滋味。 點擊圖片放大 今次同太太的放空之旅,可說是圓滿,唯一要挑剔係比太太投訴重了幾磅,哈哈! 酒店專頁 : 深圳大梅沙京基洲際度假酒店 酒店地址 : 中國廣東省深圳市鹽田區鹽梅路83號2層83深圳大梅沙京基洲際度假酒店 電話: +86 755 88886688 電子郵件: info@icszdameisha.com 想知道更多深圳資訊 : 深圳美食玩樂團(更新版) 悠遊大灣區 小紅書 : 美食焚化爐 IG : foodiephilip 希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip