一覺醒來，打開露台享受一下陽光與海風，自有種心曠神怡的感覺。 梳洗過後，當然係醫肚時間，地點就係昨天晚餐的 Kitchen。 先來個新鮮水果盤，火龍果、西瓜、哈蜜瓜及提子，甜美可口。不怕剝皮的，仲有蘋果、雪梨、香蕉及柑桔。 愛健康的朋友，當然有乳酪及穀物類供應。再加杯脫脂牛奶或者全脂牛奶都可以。 至於自己係澱粉怪，去麵檔來配牛腩麵少不免。點擊圖片放大 +2 仲有烚蛋、煎蛋、奄列、炒蛋、薯餅、炒麵、炒飯、炒菜及蒜心炒牛肉。 喜歡的話，仲可以加配雞粥，老實講，又真係幾綿滑。 中式點心有蝦餃、菜肉包、奶黃包、饅頭、餃子及粟米。當然會有西式食物。 單係芝士都有四款。點擊圖片放大 德國雞肉腸、煙肉、火腿、莎樂美腸、牛肉片及凍肉。點擊圖片放大 麵包有牛角包、Pancake、窩夫、丹麥包、香蕉包、法棍及多士等十幾廿樣。食得飽飽又係時候四圍行下幫助消化。最佳方法一定係去體身室做運動。點擊圖片放大 話時話，個體身室又幾大，設備亦齊全。 雖然酒店附有海灘，但酒店本身都有室內泳池，方便客人。點擊圖片放大 +3 畢竟係resort hotel，小朋友設施當然要顧及，兒童遊戲室有適合幾歲的波波池、攀爬組合，又有電動遊戲、足球機及桌球。點擊圖片放大 就連VR及小火車都有（當然部分是要付費的）。臨行前同幾位深圳朋友係嘉美軒飯聚。今餐真係豐富到一個點，所以會另文介紹。不過有幾款好有特色的確要同大家分享。 湯之中個人覺得石斛涼瓜大連鮑及豬腱肉燉石橄欖味道甘中帶甜。 香煎蠔仔烙比香港不少名店出色。 酥炸油粿就好惹味。 加埋主食中的綠元仔，又真係好少食。見仲有時間，車又未到，一於食埋下午茶先走。點擊圖片放大 雖然下午茶非酒店強項，但可以係戶外，坐係內地近年大熱的營地內，吹吹海風，又真係別有一番滋味，相當有趣。點擊圖片放大 +9 雖然今次只係兩日一夜，但行程又幾豐富，諗諗下真心已經想再來。想知道更多深圳資訊 :深圳美食玩樂團(更新版)悠遊大灣區小紅書 : 美食焚化爐希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
