今次深圳復關後第一次同太太北上，當然要玩盡，入住了金沙灣萬豪酒店，全海景房間之前已介紹過，下午去了大鵬古城走一轉，事後肚餓要醫肚，反正中午已試過［嘉美軒］潮州菜，晚上就試試自助餐，睇睇水準如何？ 海鮮每次食Buffet，最吸睛一定係海鮮。 雖然無大家喜歡及回本位龍蝦或生蠔，但新鮮度卻是不落下風。大頭蝦隻隻爆膏，肉質爽甜，好味。咖啡蟹又係好多膏，愛好豐腴口感的朋友就最啱。仲有青口、海蝦及砂白。 刺身畢竟是國際性酒店品牌，刺身衛生程度無須多講，解凍處理得宜。 應有的三文魚、吞拿魚、八爪魚及希靈魚都有。 加埋什錦壽司，其實陣容問題不大。 火鍋係Buffet有一人火鍋，又的確有點令人意料不及。 先講講鍋底，有麻辣同清湯。 至於肉類首選任食手切牛肉。 葷料有牛丸、鴨血、火腿片、午餐肉、魚片、魚腐、鵪鶉蛋、鵝腸及鮮魷。點擊圖片放大 素菜有金菇、蕃茄、蓮藕、什菌、粟米、蒿苣、薯仔及甘荀，當然仲有生菜、娃娃菜同埋油麥菜。 醬料更是達12款以上。個人而言麻辣湯底是收貨的，既香且辣。Carving Station 即煎牛扒生熟程度可以即時同師傅反映，食幾多都得。 香草烤羊腿烤得啱啱熟，羊味又不太羶，個人幾鍾意。 烤火腿喜歡啖啖肉既朋友不容錯過。 香草檸檬烤魚原條海魚用錫紙包起再燒，非常香口，不錯。 加上香煎紅衫魚、烤魷魚串及炸蝦餅，鐵板區的陣容都豐富。熱葷 即切燒鴨及叉燒，味道同香港的差不多。點擊圖片放大 +2 熱葷似乎以海鮮為主，薑蔥炒蟹、油爆大蝦、豉汁蒸海鯧、炒魚卷及烤三文魚骨。點擊圖片放大 +2 肉類選擇就有紅酒燴牛肉及蒜香排骨等幾樣，可能主力在於鐵板區吧！ 加埋都幾多人食既炒麵，炒飯、炒菜及燉湯。 麵檔好多朋友都知我係澱粉怪，食自助餐點都要食碗麵滿足心靈。可能切合內地客人須要，所以配餸係蕃茄炒蛋、醬排骨同炸菜肉末。其他配料有肥牛、魚腐、魚丸、生菜、娃娃菜及菜芯之類，已經好足夠。而麵底有生麵、河粉同米粉。 前菜區有百頁條、炒什菜、滷水鴨舌、麻辣肚尖同埋滷水鵝掌翼，個人覺得幾有特色，味道亦在水準之內。 甜品 先係自家製雪糕，口味都幾多。一向以為深圳的甜品只屬一般，但今次真係有點意想不到。 一條長檯擺滿了甜品，盡見氣勢。點擊圖片放大 +3 大部分都做得小巧迷你，方便客人享用。其實最喜歡Tiramisu、芒果布甸及 什莓奶凍，好有香港酒店的水準。 其他仲有紅莓奶凍、咖啡奶凍、香芒蛋糕、芝士蛋糕、朱古力蛋糕、Oreo忌廉杯、草莓忌廉杯、芒果朱古力撻、香芒瑞士卷、紅莓蛋糕、藍莓撻、芒果撻、提子撻、草莓撻、栗子撻、藍莓泡芙、葡撻以及什錦曲奇。 Facebook專頁 : 深圳佳兆業萬豪酒店 地址 : 棕櫚大道33號深圳佳兆業萬豪酒店3樓（近觀音山和大鵬古城） 電話 : +86 755 2839 8888想知道更多深圳資訊 : 深圳美食玩樂團(更新版)悠遊大灣區小紅書 : 美食焚化爐 味道 : 4 環境 : 4 服務 : 5 衛生 : 5 抵食 : 4 位置 : 3 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
