本來每次寫Buffet,都係將海鮮先發推介,但Le Menu 比較特別,因為熱葷類好多都啱我食,又係回本位,無理由放埋一邊。仲有幾日就新年,嫌中菜悶,都可以諗下食Buffet。就先講下收費。星期一至四全時段 成人$638/小童$448第一時段 1745-1945 第二時段 2015-2215 成人$538/小童$348星期五至日、公眾假期及前夕全時段 成人$698/小童$498第一時段 1745-1945 第二時段 2015-2215 成人$598/小童$398至於農曆新年期間全時段 成人$738/小童$448而一,二時段則成人$638/小童348熱葷點擊圖片放大 三大海味係燴花膠、燴海參及燴鮑魚,但基本上要食均三款就要全時段,因為鮑魚會較後時間登場。 另一款回本位就係芝士蘑菇焗蟹蓋,平日係酒樓食,點都要一百幾十蚊一個,而且係任食,蟹肉都算多,焗至微焦,味道不錯。 因為酒店本身中菜廳都有水準,所以多款熱葷都處理得不錯,先係蠔皇燜鴨掌,味道好似婚宴內的菜色。 而清蒸星班並非原條上,而是星班片,食落方便又無骨。另一道啖啖肉係上湯焗龍蝦鉗。點擊圖片放大 其他菜色有海南雞、欖油香草燒比目魚、鐵板煎威茉大蝦、3.6牛乳海鮮蒸蛋白、黑啤什菜燴羊肉、煎鴨胸肉配香橙汁、肉醬意粉以及揚州炒飯,計落的確以中菜為主。海鮮 講返海鮮,首選一定係波士頓龍蝦,好多都有嫣紅蝦膏,食兩三隻都得。 而咖啡蟹同樣超多膏,加埋藍貝、海蝦、翡翠螺及鱈場蟹腳,海鮮陣容已經好過好多酒店。 刺身 刺身亦有八爪魚、油甘魚、甜蝦、榮螺及三文魚,解凍處理得不錯,肉興柔軟又毫無雪味。灼料吧 有即淥烏冬,主打都係花膠,當中有青口花膠烏冬、日式叉燒花膠拉麵及日式叉燒鮮菇拉麵。今次簡單一點,就來碗花膠湯麵配雞湯底,又幾好味,而且鹼水味又輕,不錯。湯 西湯係法國海龍皇湯,又幾足料。原盅燉湯係螺頭蟲草花杞子燉豬腱,湯色清,但夠火喉。鐵板燒 有即片即包既片皮鴨。點擊圖片放大 但不得不提特級有骨肉眼扒配Yorkshire Pudding,來一份厚切,中間帶少少血水,肉質鬆軟有嚼口,超正,試諗下去酒店食塊扒要幾錢? 而燒羊架,幾香口,羶味輕。 加埋即煎虎蝦、牛脷、牛柳粒、大蔥雞肉及多春魚,陣容都幾豐富。頭盤點擊圖片放大 有菠菜蛋批、煙三文魚、刁草三文魚、意大利火腿、蔬菜啫喱、莎樂美腸及cold cut platter。 沙律想清新健康有沙律,當中有凱撒沙律、蟹籽花膠沙律、水牛芝士西瓜士多啤梨沙律及鵝肝鴨肉芒果四季豆沙律可選擇。 芝士有車打芝士、Blue Chese 及布利芝士。甜品 先講講有哈根大師雪條,口味有Chocolate Choc Almond、Matcha Green Tea & Almond及Twist & Crunch,平時食開就知一支都唔平。 雪糕杯有Strawberries & Cream、Cookies & Cream及 Chocolate。點擊圖片放大 +4 其他甜品有伯爵茶Panna Cotta、白朱古力熱情果慕絲蛋糕 、榛子卷、雲石芝士蛋糕、柚子蘆薈果凍、Oreo慕絲蛋糕、士多啤梨芝士蛋糕,全部都係細細杯,方便衛生。 仲有麵包布甸同葡撻。水果菠蘿、火龍果及哈蜜瓜。可能近新年,是晚都幾爆,其實食團年飯又不一定要中菜,Buffet都可以吖。Facebook 專頁 : 六國酒店地址 : 灣仔告士打道72號六國酒店1樓 電話 : 28663808 味道 : 4 環境 : 4 服務 : 4 衛生 : 4 抵食 : 5 位置 : 5 希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip