上次跟朋友入去屯門黃金海岸酒店的扒房食下午茶,半路中途竟然有酒店農莊Gold Coast Farm的導賞團。點擊圖片放大 遇上收割日子,仲可以免費割菜摘瓜果返屋企加餸,酒店不單有活動適合不同年齡人士,更重要係有環保意識,因為而種植的菜蔬,部分會用作慈善用途又或是員工飯堂之用,保證不會浪費,真係WW。 行一轉農場,割下菜已經玩足一個下午,因利乘便,晚餐就係扒房解決。點擊圖片放大 無他,食了好多次,依然覺得扒房主打的[海岸扒房特選燒牛肉套餐]超抵食。因為只要 order 以下其中一款,The Starter Cut ( 5oz / $358 )、The Signature Cut( 8oz / $518)或The Jumbo Cut ( 10oz / $608),就附送價值$138以下沙律/湯/甜品,性價比相當高。點擊圖片放大 再加上配時蔬及Yorkshire pudding,套餐就更加豐富。 就算加埋 Table Wine 都係預算之內,有時 Fine Dining 都可以好相宜。 牛扒會用餐車推到客人眼前,然後按客人要求切出份量,再配上 side dishes,正好讓客人慢慢享用。前菜 水牛雞翼(8隻 / $148)出奇地選用體形較大的雞翼,即炸當然好食,辣辣地好惹味,蘸點藍芝士醬,味道更可口,怕熱氣?伴碟有青瓜及西芹幫幫手,夠細心。 新奧爾良蟹肉餅($138)足有三大件,啖啖肉無得輸,配上蛋黃醬令味道更具層次,又有新鮮牛油生菜作伴清清味蕾,正。 湯法式焗芝士洋蔥湯($98)一揭開盅蓋,便瀰漫濃郁的洋蔥及芝士的香氣,湯色清澈,而洋蔥的甜美亦完全融入湯裡,個人覺得必飲。主菜 味增香煎北海道帶子(5隻 / $288)原隻北海道帶子好肥美厚身,稍微煎香兩邊,內裡依然保留嫩滑的肉質,而伴碟是烤蘆筍、野菌及薯蓉,份量不少。 龍蝦意式扁意粉($188)龍蝦是新鮮起肉煮,肉質爽彈,而意粉煮至 al dente,沾上了龍蝦汁,令人吃得欲罷不能。甜品 蘋果金寶配雲呢拿雪糕($138)海岸扒房既蘋果金寶,可以話係佢地既 signature dessert,但製作時間要30分鐘,想食又不想浪費時間,麻煩落 order 時一次過講埋。因為即叫即製,外層烘焙得恰好,邊位帶焦香,一切開便會冒煙,內裡是滿滿的蘋果餡料,配上雲呢拿雪糕,真是人間美味。Facebook專頁 : Hong Kong Gold Coast Hotel地址 : 屯門青山公路1號香港黃金海岸酒店大堂 電話 : 2452 8636 味道 : 4 環境 : 4 服務 : 4 衛生 : 4 抵食 : 5 位置 : 3 希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip