自從由工作崗位上退下，多了四處飲飲食食，有幾間是經常去的，而灣仔六國酒店的粵軒，正是其中之一。去粵軒有些少事要注意，例如蒸腸粉及芝麻蝦多士，要周末及假期先有供應。今次純粹跟朋友茶聚，當然以點心為主，再加兩三道平日少點的菜色已經足夠。 筍尖鮮蝦餃（$64）傳統的口味，餃子皮搓得有彈性，包得飽滿齊整，賣相討好，個人覺得筍尖可以落多些少。 白玉蝦燒賣（$60）都說過粵軒的點心紥實，豬肉吃得出的鮮味，而且蝦肉爽彈，好味。 靈芝素粉果（$52）其實餡料都是以菇菌類為主，夠晒健康，食落有陣陣幽香。 豉汁蒸肉排（$58）沒什麼特別原因，有時就單純的想食，至少不會出錯。 糖檸叉燒酥（$52）粵軒的叉燒一向有水準，何況加入糖檸，多了一份清香的味道，酥化的外層，令口感更佳。 馬友鹹魚煎肉餅（$288）好有童年回憶的一道菜，把鹹魚刴成茸，混和了肉碎再煎香，果然好啱送飯，尤其是中間吃不到半點碎骨，令人食得安心。 椒鹽焗肉排（$188）選用了骨腩位，咬起來滿口油香，不單止香口，而且辣辣地好開胃，又係一道下飯菜，不過睇波時加罐啤酒一樣係享受。 瓦罉花雕玫瑰雞（$260/半隻）炆得好入味，香甜的雞皮位更是必食，而雞胸浸得依然嫩滑，果然沒有令人失望。 窩貼班塊（$318）一向都係食開窩貼蝦，轉用更矜貴的班片又真少見，油份瀝得清，證明油溫控制得好，班片肉質軟稔，與蝦肉的爽彈是兩回事，都係果句，視乎個人喜好。說說笑笑，又到中午，時間過得真快，可能年紀大了，喜歡跟人話當年吧！即係長氣！地址 : 灣仔告士打道72號六國酒店1樓 電話 : 28663806 味道 : 4 環境 : 4 服務 : 5 衛生 : 5 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
