自從早兩個月試過狂掃4打蠔之後，念念不忘想再瘋狂一次。點擊圖片放大 難得 Hotel Icon 的 Green 近日引進10款生蠔的「蠔華饗宴」，當然要試試。點擊圖片放大 甫踏入Green，便會給空曠的環境所吸引，一邊是牆身植物，令人有置身叢林的感覺。點擊圖片放大 Green入口處，擺放了來自不同國家的時令貨，仲有建議的配酒，單點由港幣$45起，想抵食些少？有半打蠔套餐，都不過港幣$328，而今日就有 Kumamoto(美國/$65）、 Louet-Feisser（愛爾蘭/$65）、 Fine De Claire（法國/$45）、 Pacific Rock（美國/$65）、 Dibba Bay（杜拜/$65） 以及 Krystale Normandie（法國/$65）。係六款中，個人比較喜歡Dibba Bay，海水味不會過強，肉質肥美；而曾獲法國巴黎農業大賽金獎的 Krystale Normandie，肉質爽甜，帶微微果香，好特別。至於想豪氣一點，就有單點四款蠔，體形介乎於No.2至No.0，所以價錢亦相對較高，當中有點擊圖片放大 Speciale Tarbourriech Pinky（法國/$105）、 Carlingford（愛爾蘭/$95）、點擊圖片放大 Gillardeau（法國/$95）以及 點擊圖片放大 Ostra Regal（法國/$105）。個人一向偏好有蠔界勞斯萊斯之稱的 Gillardeau，肉質飽滿，而且海水味適中，配返杯白酒一流。 至於其他幾款都各有特色，或者在選擇時，問問餐廳經理意見吧！ 值得一提是，ipad 點菜時，有相關配襯酒類建議，都係$150左右。若果嫌食蠔未夠飽，大可試試逢星期一、二晚上七時至10時供應的 "WORLD SEAFOOD TOWER" FOUR-COURSE SET DINNER「環球海鮮塔」四道菜晚餐，每位$558。但想主打肉類，就要選擇星期三、四的嚐肉滋味星期三又或是星期五、六及日的週末龍蝦盛宴了。當中包括了頭盤+1湯+1主菜+1甜品+1咖啡或茶+無限添飲指定餐飲。點擊圖片放大 未講食物，先講飲品，因為有指定氣泡酒、白酒、紅酒、清酒、Mocktail加上橙汁，係可以無限添飲，講真，家陣係酒店 Lounge飲杯普通咖啡都一百幾十啦！ 餐前送上芝士竹炭包，質地鬆軟，塗點牛油更可口。STARTER 環球海鮮塔有新鮮時令生蠔（Fine de Clair)、加拿大雪蟹脚、清酒鮑魚、南中國海蝦以及法國海螺。份量真係幾多，生蠔都每人兩隻，質素當然無單點優質，但都食得過；鮑魚每人一隻，炆得好入味，口感Q彈，好味；而海螺煙煙韌韌有嚼口；至於蟹腳同海蝦就預期之內。Add-ons高級時令生蠔(另加$200)自選高級時令生蠔(四隻)可以係之前所講六款中選擇四款，亦不過只須$200。SOUP 湯 Boston Seafood Chowder Velouté 波士頓海鮮周打湯[D]質地很濃稠而且滑溜，舀一下，是原隻大蜆肉，建議下點黑胡椒，味道更香。 Italian Vegetable Soup 意大利雜菜湯[M]試了朋友的菜湯，材料好豐富，甜度是來自大量菜蔬。MAIN COURSE主菜 Australian French Cut Lamb Chop (210g) (Additional $48) [D]澳洲羊扒 (210 克) (另加$48) 兩個人正好各點一款 share，朋友的羊扒烹調得比較熟，咬起來有點費力，羊羶味不算重，都幾適合女士們。 Argentinian Grass-fed Beef Sirloin (160g) [B][D]阿根廷草饲西冷扒(160克) 作為牛魔皇，首選當然係牛扒，雖然點了medium rare，切開不見血絲，似乎可以更生一點，肉味無疑夠濃，鬆軟有嚼勁，紅酒汁亦幾夾肉味，但個人始終喜歡簡單的配上岩鹽來提鮮。其實晚餐仲有黑松露忌廉汁帶子鮮蝦意粉、烤焗三文魚及漢堡供選擇。Add-ons 滋味升級Pan-fried Foie Gras (1pc) (Additional $68)如果不怕邪惡，又可以另加一客香煎鵝肝 (1件/另加 $68)。Dessert甜品 最後的甜品時間，除了本身的香芒熱情果椰子慕絲外，客人可以在Green的甜品專櫃挑選一件，不過要另加$48。原先的慕絲賣相不俗，芳香馥郁而軟滑，其實真係幾好。由於想食榴槤甜品，但自己又忘記預先落 order，所以一早沽清，可惜。 退一步，來件綠茶朱古力蛋糕都不錯，綠茶味好出，中間夾雜少許脆脆，食落有層次感。 餐後再以杯幽香的 Earl Grey 作壓軸，滿足。(B)-Contains Beef 含牛肉[N]-Contains Nuts 含乾果(D)-Contains Dairy Products D[P]-Contains Pork 含猪肉Price is in HKD and subject to 10% service charge[MV]-VegetarianFacebook : GREEN at Hotel ICON酒店專頁 : Hotel Icon地址 : 尖沙咀科學館道17號唯港薈地下 電話 : 34001300 味道 : 5 環境 : 4 服務 : 5 衛生 : 5 抵食 : 5 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
