踏入農曆九月，已是深秋，亦是鵝、蛇、大閘蟹最肥美的季節。 沙田石門帝逸酒店的逸軒，10月15日至11月15日期間，會推出一系列大閘蟹菜色，若果不想花腦筋搭配，正好餐廳有「蟹饌」套餐，而每位是$938，但已經有兩隻四兩幾的大閘蟹，加埋其他蟹粉菜色，其實好抵食。 餐廳位於酒店二樓，設有廂房，增加了私隱度，而且是 C/D 區共存，同朋友食飯無須就住就住。YAT HEEN Hairy Crab Set Menu 豐收蟹粉小籠包Shanghainese Dumplings Stuffed with Hairy Crab Coral套餐是按位上，所以小籠包以小蒸籠擺放，包皮柔韌，就算用筷子夾起都毫無穿破，內裡既有肉汁，蟹粉亦落得重手，下點陳醋味道更鮮。 繽紛紅糟意瓜炒蚌仁Stir-fried Sliced Clam with Zucchini套餐其中一款大閘蟹無關聯的菜色，珊瑚蚌好爽口，本以為炸米網是裝飾，原來咬落脆卜卜，又幾好味喎。點擊圖片放大 垂涎蟹粉白玉燴雪燕Braised Bean Curd Soup and Gum Tragacanth with Hairy Crab Coral非常足料，每口都是蟹粉及雪燕，芡汁埋得夠薄，伴碟的迷你提子粒，原來是陳醋珠，喜歡的，大可加入湯羹中，令味道更添層次。 蟹逅清蒸大閘蟹（每位兩隻）Steamed Hairy Crab （2 picese）點擊圖片放大 每隻4兩以上，目測近乎5兩，而且係食完一隻先再上另一隻，確保新鮮及熱辣辣，雖然家陣未係最爆膏時候，但對於「蟹迷」而言，當然係第一時間食左先。 滋補蟹粉扒花膠扒Braised Fish Maw with Hairy Crab Coral賣相澎湃，蟹粉將花膠扒完全蓋過，用刀輕輕一割，便好容易切開，蘸滿了蟹粉後一齊食，惹味到一個點。 藏珍艇家花膠浸時蔬Poached Seasonal Vegetables with Fish Maw and Mixed Seafood in Broth重口味菜色品嚐過，當然是清清味蕾的時間，最好是來點菜蔬。湯底加入了花膠絲、帶子、藍貝及唐芹，鮮甜可口，白菜仔盡吸湯汁，好味。 盛騰水鄉蟹粥Crab Congee絕對有驚喜，粥底是廣東開米花粥，既綿且滑，滲出少許蔥香，花蟹的鮮味通通跑到粥裡，唯一要挑剔是偶有碎蟹殼，要小心。 回味精美甜品Dessert Platter食得大閘蟹，當然是薑湯芝麻湯丸，最怕薑湯不慍不火，有薑味而欠辛勁，但今次師傅是落得重手，正好啱我口味，而且賣相一流，幾隻蟹仔原來係酥皮，而石頭就係豆沙，睇得又食得。意猶未盡下，一口氣追加了芙蓉伴蟹粉 ($328)，鬼馬蟹粉 ($288) 與及蟹粉雪糕筒 ($288)。點擊圖片放大 芙蓉伴蟹粉看似平淡，但當整碗蟹粉傾注落蛋白時，賣相有點似火山爆發。入口時，蛋白富蛋香及滑溜，原來是加入3.6牛乳炒，果然是細微處見功夫。 鬼馬蟹粉Homemade 油條配蟹粉，又係邪惡到一個點，在炸得香脆的油條上，蓋滿了蟹粉，兩種不同口感夾雜，滋味無窮。 蟹粉雪糕筒充滿了玩味，把蟹粉放入迷你甜筒內，鹹甜兩種味道先後紛陳，正。Facebook 專頁 : ALVA HOTEL BY ROYAL地址 : 沙田源康街1號帝逸酒店2樓 電話 : 3653 1112 味道 : 4 環境 : 4 服務 : 4 衛生 : 4 抵食 : 4 位置 : 3 如果喜歡這篇文章,請在我的專頁上剔"LIKE",當是給我小小的鼓勵吧!謝謝! http://www.facebook.com/foodiephilip
