今次入住尖沙咀金域假日酒店酒店，經網上訂購，包兩大兩小套票，周末入住都不過七百多元（平日更是$638起，已含10%服務費），已經包含了早餐及在「Executive Club」享用「黃昏小點」，若然想在「龍苑」吃最新的蟹宴的話，只需要另加$700，如果對中餐興趣不大，又可以選擇意大利餐廳Osteria的龍蝦餐。 套票房間提供了兩張雙人床，房間簡潔，由於疫情關係，預先已放置了「安心包」 ，內裏有衛生濕紙巾、口罩及消毒搓手液，而自助水吧就有Dilmah的茶包提供， 由於是地理關係所以景觀多數是街景。 很欣賞酒店方面提供了軟硬兩種不同質感的枕頭 ，感覺良好 。點擊圖片放大 至於浴室，提供了企缸， 亦有一次過的個人衛生用品，但沐浴露並非 一次性。點擊圖片放大 +2 下午入住後就可以到B2樓層的「Executive Club」休息一下。點擊圖片放大 +2 今次入住其中一個亮點，就係Executive Club lounge 動力全開， 只要係入住期間可以隨時隨地入嚟飲杯嘢（ 當然係指開放時間0700至2200 ）， 除了常見既可樂、雪碧、加士伯同青島之外， 仲有sparkling water、 soda water、Dry Ginger Ale、 tonic water、 即磨咖啡，更勁既係可以任飲紅白酒，今日我就狂飲Las Huertas Cabernet Sauvignon 2018。點擊圖片放大 到了下午6時的「黃昏小點」時段，又來一個華麗轉身，會增加13枝烈酒供大家享用，喜歡飲返兩杯既朋友，真係可以流連忘返，就連太太都試下飲杯 “DEWAR'S” 既 “White Label”。 至於食物有青椒粒忌廉汁肉丸、椒鹽豆腐、意大利雲吞與及印度烤魚。點擊圖片放大 +2 仲有cold cut、芝士拼盤、壽司及沙律，當然少不了甜品，雖然只得牛奶布甸及雲石芝士餅，但以輕食來說真係好豐富。基本上每日有1800一場，如果人多參加，就會另加1600一場，大家可在辦理入住時問下。 慢慢嘆返兩杯之後，晚餐就選擇了「龍苑」。點擊圖片放大 +4 雖然要加$700，但覺得物有所值，因為有蟹粉、椒鹽長腳蟹、海皇羹同蟹肉炒飯。 食完飯又可以去健身室做運動出身汗。（開放時間為早上5:30至晚上11時）。 健身室同泳池位於19樓，客人要搭電梯到18樓，再行樓梯上一層。點擊圖片放大 健身室都幾大，有成十部機，每兩部機有透明膠片隔開，做足防疫措施。做完運動去瞓覺份外覺得舒服。 一早起身又可以去對面九龍公園行下，又或者去絕對少人既「驚安」掃下貨。早餐原先係「Executive Club」食，但逢星期日因為住客較多，就會轉場地去 Bistro on the MILE。點擊圖片放大 +5 其實真係好豐富，亦以中式口味為主，除了中式粥品點心外，即製奄列煎蛋少不了，仲有湯麵同cold cut、沙律，果汁都三款，食飽飽話咁易。 享用完早餐，又可以去露天泳池游水。兩日一夜行程未算緊密，反而可以輕輕鬆鬆放電。【KKday 獨家快閃3折】傳送門 : https://www.kkday.com/zh-hk/product/118245?cid=9402Facebook : Holiday Inn Golden Mile Hong Kong地址：尖沙咀彌敦道50號金域假日酒店 電話：2369 3111 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
