上年W Hong Kong 推出一連串優惠大受歡迎，近日又有新攪作，由2021年3月18日至21日期間，推出限時快閃優惠，超過40款低至36折獨家優惠，當中涵蓋了酒店住宿、餐飲（星宴、KITCHEN、WOOBAR、外賣套餐、W型格禮物及酒店水療等等），而開售時間為2021年3月18日早上11時起至3月21日晚上11時59分（優惠連結） 今次率先試了「星宴」中菜廳的「海洋風味」晚市套餐。雖然套餐就話港幣$1,380/位，但只要用快閃優惠，折完都係$828（另加10%服務費）。 星宴精選前菜拼盆西班牙黑豚又燒,金沙脆蝦球,香麻海蜇sing yin deluxe appctizer combinationbarbecued spanish iberico pork,crispy minced shrimp with salted egg yolk,jellyfish tossed with sesame oil 一碟三款，就由清新爽脆的「香麻海蜇」揭開美味序幕。 隨後的叉燒鬆軟有嚼口，蜜味好重，如果唔係之後有單尾，真係好想配碗白飯。 三款前菜中，最重口味必定「金沙脆蝦球」。外面一層薄薄的鹹蛋黃，散發誘人的香氣，雖然是邪惡，但誰又能擋得住呢？ 鮮蟲草花遼參燉雞double-boiled chicken soup with cordyceps flower and japanese“kanto" sea cucumber自己一向喜歡飲湯，尤其是家裡好少整燉湯，時間同心機都好重要。 「鮮蟲草花遼參燉教雞」原個保溫盅奉上，熱燙中冒起水蒸氣，聞得出陣陣幽香，湯色清澈見底，入口卻是甘甜味美，遼參軟綿滑溜，對皮膚極好，男女都啱飲。 金腿蛋白蒸星斑球steamed fillet of spotted garoupa with yunnan ham and egg white師傳在火喉控制上極準，星班球毫無腥味，而且肉質軟滑，置底的蛋白嫩滑到一個點，吃起來毫不費力。 蠔皇原隻二十五頭南非乾鮑braised whole south african dried abalonein supreme oyster sauce (25 head)絕不賣弄，原隻乾鮑上，真係要用刀叉來品嚐，柔韌而富彈性，每口都是濃郁的鮑魚味，正到一個點。 星宴XO 醬帶子炒香苗fried rice with scallop in sing yin signature xo chili sauce輕描淡寫的XO醬啱啱好，吃起來更惹味，絲苗炒得粒顆分明，好乾身，帶子肉質幼嫩而加入菜頭令口感更具層次，份量又不會太多，正。 冰花燉燕窩(可配:椰汁/杏汁)double-boiled imperial bird's nest (served with sweetened coconut milk / sweetened almond cream)席間有朋友對杏汁是敬而遠之，正好可以選擇椰汁。自己點了杏汁冰花燉燕窩，質感輕盈，杏汁味好香，但又不會過於濃稠，燕窩好滋潤，作為壓軸甜品一流。如果閣下對中菜興趣不大，仲有KITCHEN、WOOBAR、外賣同住宿，真係總有一種適合妳！Facebook 專頁 : W Hotel地址 : 尖沙咀柯士甸道西1號港鐵九龍站香港W酒店1樓 電話 : 3712 2848 味道 : 4 環境 : 5 服務 : 4 衛生 : 5 抵食 : 5 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
