香港人實在屈得太耐,但 Staycation去得多亦難免感到悶。自己近年多了出外用膳,少不免飲返兩杯,而且Wine Pairing配對食物係一門幾有趣的學問,好多時都要靠食友指點,久而久之,都想知多些少。但礙於疫情,就連年度盛事Wine and Dine 及 德國啤酒節都要煞停,真係好可惜。 好彩近日的 Staycation 多了變化,就以 Gateway Hotel 為例,近月就推出了 Wine-cation,大家可以係Happy Friday 或周末晚上,係 Wine Tasting 中輕輕鬆鬆飲返兩杯,鐘意既仲可以用優惠價買枝酒慢慢嘆。點擊圖片放大 +6 套票本身提供 Continental Deluxe Room,收費每晚$1,238,而房間不單夠闊落,又有一枝Welcome Red Wine 早已預備好比住客,真係夠窩心。點擊圖片放大 +4 而且可以享用 Continental Club Lounge 設施,而且不用加錢便會 upgrade 至 Continental Superior Suite。Wine Tasting 舉行地點係酒店3樓,正好填補小小大家無得去 Wine and Dine 既心情。點擊圖片放大 +5 現場設有5個counter,紅白酒基本野一定有,仲有氣泡酒、日本清酒、甜酒同威士忌,而且價錢仲特別優惠,大可試到啱先買。晚餐就選擇了旁邊的 Three on Canton。對上一次到訪已經係年幾前,當時已覺得非常抵食,家陣係疫情下,飲食業本身已經是叫苦連天,客人裹足不前,客量大減,仲以為餐廳會縮皮,食物水準會下跌,但真係意想不到,餐廳竟然窺準時機,加強食物陣容,老實講,沒有最強,只有更強。 首先,Three on Canton 係11月份,但凡一位付款成年人顧客,可以免費帶兩位11歲以下小朋友一齊食Buffet,夠吸引了吧? 其次,即劏原條菲律賓黃鰭吞拿已經誠意十足,大家可以即場享用新鮮拖羅,除非閣下是刺身免問人士就另計! 仲有即年Buffet比較少有既即開法國Fine de Claire 生蠔,每次兩隻,確保衛生同新鮮。點擊圖片放大 +3 仲有用足6kg三文魚炮製Bouillabaisse、龍蝦 Risotto、香煎鵝肝同埋任食哈根大師雪糕,真係無得輸。「懶人怕起身」,更何況飲大兩杯? 早餐一於加錢要 Room Service。 選擇大概分為中西式,而且西式份量幾大下,細食既三四個人食係無問題。點擊圖片放大 先講下中式,有砂鍋牛肉粥及點心拼盤,內有蝦餃、燒賣、叉燒包同珍珠雞,當然仲有一壺中國茶。點擊圖片放大 +2 至於西式係麥片、牛角包三個、火腿、煎蛋、薯角、果汁及咖啡,豐富到一個點。點擊圖片放大 +15 趁未上 Wine Class,落去餐廳望下,又真係幾多野食,大家可以睇下相先決定要 Room Service 定係落去食。 見仲有時間,行幾步走左去「驚安」。由於是凌晨五點閂門,七點開返,所以人較少,可以慢慢行。點擊圖片放大 而Wine Class 大約係11點舉行,大約一小時講解,由酒店專業侍酒師主持,內容深入淺出、淺白易明,就連極少飲酒既太太都聽得明,相信對日後 Wine Pairing 好有幫助。其實今次 Wine-cation 輕輕鬆鬆,酒店位處市區,出又方便,可以學到野之餘,仲可以飲返兩杯,加錢食埋 Buffet 就更正。Facebook 專頁 : Gateway Hotel, Marco Polo Hotels地址 : 尖沙咀廣東道13號海港城港威酒店 電話 : 21137828 味道 : 4 環境 : 4 服務 : 5 衛生 : 5 抵食 : 5 位置 : 5 希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip