諗返起中學時，老師面對成班無心向學兼態度散漫既學生，實在無計可施，隨時可以一夜白頭。終於有次按捺不住同大家玩遊戲，提出了在10分鐘內寫出十三個同音「工」字，結果真係有人寫到，雖然自己都係寫得十個八個，但中國幾千年文化真是令人嘆服。 旺角帝京酒店Lion Rock酒吧，遠眺獅子山景色，近臨火車足跡，尤其是晚上，一向予人Fine Dining 的氛圍。「以言入罪」聽得多，「以字入饌」又真係富有創意。 望著整個「獅房菜」菜牌，或者可以講，無須知隻字點解，閣下若然識讀一半，恐怕已是才子級別，中華文化博大精深，能把飲食與文字兩大文化結合，更是妙不可言。想知道點讀就要留意文末啦!聽聞大廚及團隊花了整整一年時間去設計菜色，選用食材亦不落俗套，加上環境及地點絕佳，更可以配套 Wine Pairing，確是近年少見的驚艷。值得一讚的事，餐廳經理對每道菜瞭如指掌，可能是同大廚事前有過溝通，三言兩語便可以將幾道菜解釋得淋漓盡致。 聶馥開胃菜先來雪葩，若然係食西餐，多數會安排在中段，可以清清味蕾，用來打頭陣，有點不落俗套的感覺。雪葩以山楂及白朮煲水，再加入蜂蜜而成，冰涼中帶酸酸甜甜的口感，的確起了醒胃的效果，這個安排我鍾意。品前其實是三道小食的組合，各有特色。 先由賣相似玫瑰花的講起，這顆櫻桃蘿蔔原來是以椰子醋把青瓜片及雪梨片泡浸過，置底是椰絲 木糠，酸甜中帶有椰子的馥郁香氣，好特別。 再來是質感QQ的水晶球，以陳醋及梅酒打造，內藏螢光魷魚，很有創意。 至於大連鮮鮑魚，就連同陳醋及靈芝菇爆炒，真係好滋味。 鱻湯湯底本身主要是石頭魚湯、羽衣甘藍、蕃茄及南瓜煮好，已經覺矜貴鮮甜，仲要加入日本夢美人米漿，香滑度更進一步，每口都帶有陣陣米香，加上可口彈牙的貴妃蚌，的確令人越喝越停不了。 炎菌賣相一流，以北海道牛乳蒸蛋白，香甜滑溜又滋補，上面放了羊肚菌、日本海膽及甜豆，形相俱佳，插起的脆片，原來是用可可粉煎成，正。 灥珍選用質素較佳的關東遼參，釀入花膠、西班牙黑豚肉、燕麥及蝦膠，還有雞頭米（次實），口感豐富，層次分明又健康。點擊圖片放大 淼珏用上本地杉龍蝦，質地比起波士頓龍蝦不單更爽甜，而且更富蝦味，只不過有季節性的局限，其中一種處理手法是拌以綠胡椒及忌廉汁，增添了甜美；另一款是把龍蝦肉及蝦膏混和，釀入泰國迷你茄子內，小巧精緻而味道濃郁。羴補 先前都提過，大廚選用了來自世界各地的食材，而今次是澳洲羊架，同樣有兩種不同的展現方式，先是用藥膳燴過羊肉，連同甘筍條及露筍用新鮮淮山捲起，望落有點似雞扎，而置底是炸過的當歸，羶味盡去，很特別。 另一款是用黑蒜醬加藜麥經烤焗過，逼出了香味，放在經煎焗過的羊肉上邊，出奇地合拍。至於伴碟的小蘿蔔，原來是用甘筍加薯蓉搓揉後炸成，非常可愛。 雥禽其實綜觀整個菜單，已經驚喜不絕，但最深心我心的，就一定是「雥禽」了。山珍海錯先後出場，終於到了最常見的「鮮雞」。雞卷用香脆的雞皮卷起，雞肉以手撕雞方式處理，加入青瓜絲，令口感更佳，上檯前用玻璃蓋蓋好，加入蘋果木煙燻的效果，一揭蓋，陣陣香氣繚繞跌宕，非常誘人，最神來之筆是夾層的紅肉火龍果，與及置底的芥末酥皮，層層疊疊，色香味俱全，比起米芝蓮餐廳的出品毫不遜色。原來帝京酒店內所有餐廳，多年來都是用上鮮雞，難怪食落真係嫩滑有雞味。 皛蔬如果話「皛蔬」係手功菜一點都不為過，因為脆盞是用杏仁逐片貼上，內裡的餡料是黑虎掌連同黑松露、青椒、紅椒及萵筍快炒，有時純素都可以好好味。 垚苗擺碟簡單而亮麗，法國鵪鶉褪骨後，釀入泰國糯米、燒鵝、蓮子、叉燒、粟米、瑤柱及冬菇，蒸熟後切片，蘸咸蛋黃再炸，享用時又有伴碟的意大利平衡油膩感，能把西方食材溶入中菜元素中，既大膽創新，真令人又愛又恨。 馫甜 壓軸的甜品就有晶瑩剔透、甘甜芳香的「鮮人參天津香梨軟糕」；甜到入心的「廿年陳皮日本十勝紅豆酥皮撻」；與及鬆化可口的「日本黑芝麻酥餅」。 這十道菜各自有精彩處，配搭完整，不少是頗花功夫及時間，所以每晚供應有限，但絕對是值得一試的好菜色。P.S : 聶（音獵）、鱻（音鮮）、灥（音泉）、淼（音渺）、羴（音忐）、雥（音集）、皛（音妖）、垚（音堯）、馫（音輕） 酒店專頁 : 帝京酒店 地址 : 旺角太子道西193號帝京酒店3樓 電話 : 2622 6167 味道 : 5 環境 : 4 服務 : 5 衛生 : 5 抵食 : 5 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
