Buffet一向深受大眾歡迎，早前的疫情加上媒體的報導，的確令好多人卻步，但近見情況稍為放緩，各大小酒店開始試水溫，由訂價到衛生都盡量做足，其實大家都不想功虧一簣。 旺角帝京酒店「花月庭」餐廳，由於地點適中，而且食物種類繁多，積存的爆發力實在驚人，難怪是晚就算是平日，都竟然爆滿，人頭湧湧的情況，真的少見。 但有一點值得一提，本身餐廳職員會主動提醒客人戴上口罩，但現場所見，大部份人都會自律，偶爾一兩位，都是稍一疏忽。 生蠔 家陣自助餐有新鮮生蠔供應已經好難得，仲有美國及法國兩款選擇，加上即開，係疫情肆虐下，大家的確要更加注重衛生。 點擊圖片放大 牛油芝士汁火炙龍蝦 蒸熟後蓋上牛油芝士汁，再用火槍炙過，帶出了蝦肉的甜美，我鍾意。 明太子帆立貝北海燒一客 帆立貝肥大肉厚，烤得好香口，但可惜每位客人只得一份。 香煎鴨肝配蘋果蓉醬 又是一個亮點，充滿了油香的鴨肝外層微脆，口感甚佳。 沙律醬燒一字骨 食一兩件會好惹味，但太多又會覺得好膩。 海南雞飯 好出奇，幾間同集團的出品都保持水準，雞肉嫩滑不在話下，連雞皮下的Jelly都滿有油香，但雞油飯今次就有點乾身。 海鮮 有加拿大翡翠螺、雪花蟹爪、藍青口、海蝦及新西蘭青口，其實質素一向有保證，但細心一諗，如果可以serve比客，予人有更安心的感覺。 刺身 有少見的馬刀貝，入口清脆爽甜，不錯，當然仲有常見的八爪魚、油甘魚、鯛魚、吞拿魚及三文魚，都是各有捧場客。 壽司 壽司種類反而不及甜品多，有加州卷、野菜、穴子壽司及吉列炸蝦卷。 Carving Station 先後有燒肉眼、羊鞍及腩肉，分時段出食物都有好處，避免長時間暴露於空氣中，可以保持溫度及衛生，肉眼今次有點失色，燒得未免太熟了；羊鞍羶味不太重。 日式鐵板燒 絕對推介板燒澳洲M5和牛厚腰脊肉，不單有油香，肉質鬆軟有嚼口，想不到在自助餐中有上佳質素。 而豚腩肉烤得微脆，五層肉同樣滿有油香，送啤酒一流。 點擊圖片放大 至於雞軟骨、燒鯖魚、秋葵、照燒雞翼 及吉列炸雞，都是佐酒的良伴。 湯 西湯是海鮮周打湯，質感幾香甜幼滑。 中式湯水是花生眉豆煲雞腳，火喉足，好有家庭湯水的感覺。 熱葷 薑蔥炒龍蝦鉗可以話係是晚亮點之一，炒得好入味，而且每隻既殼都拍得幾散，折肉無難度。 加入了唂咕粉的唂咕燴牛肋條，毫無違和感，炆得又夠腍。 大大條既泰式明爐鱸魚，啖啖肉好正。 而香辣雞煲就好惹味，但辣度可以更澎湃。 點擊圖片放大 加上養生粒粒泡時蔬、香蒸魚卷配牛肝菌忌廉汁、迷迭香檸檬燒春雞、意式芝士忌廉蜆肉長通粉、雜菜果仁咖哩與及印度咖哩羊，熱葷組合其實好啱自己。 灼料吧 有雞湯及牛肉湯底，而配料是牛丸、貢丸、肥牛、豆卜、冬菇及金菇，都是基本菜色，但麵底有金邊粉，滑溜幼身，蘸上了湯汁，效果不錯。 前菜 有西班牙辣肉腸、煙三文魚及24個月西班牙風乾火腿。 沙律 點擊圖片放大 想健康，又可以食沙律，仲有薯仔沙律、蒜泥白肉、蜂蜜烤南瓜沙律、煙鴨胸與及意式橄欖肉腸。 甜品 今次以品牌「KIT KAT」作主打，大堂中央甜品區，擺滿了經crossover的甜品。 造型似鋼琴的朱古力草莓忌廉蛋糕，真的有點捨不得破壞了賣相。 而巨型朱古力條（66% Alpaco 朱古力松露蛋糕）個人覺得濃度可以更高。 點擊圖片放大 +2 咬落有點似拿破崙的芒果朱古力千層酥；當然不能忽略甜酸夾雜的Raspberry 朱古力蛋糕；放滿馬卡龍及朱古力條的巴西莓朱古力慕絲蛋糕，加上小巧輕盈的綠茶柚子白朱古力撻，真的覺得變化多端。 論顏值最低大概是香橙Cupcake，但都有不少捧場客。 點擊圖片放大 +3 其他口味有脆脆朱古力慕絲、藍莓芝士蛋糕、焗牛油麵包布甸葡式蛋撻與及有原味、黑芝麻或紅豆窩夫，甜品種類的繁多，花月庭是有目共睹的。 中式甜品有燉蛋白、桂圓紅棗雪耳糖水及豆腐花。 凍甜品櫃 放上大量份量小巧的甜品，有黑森林蛋糕、芒果布甸、蜜糖黑珍珠糕、綠茶紅豆布甸及栗子蛋糕，方便大軟試多幾款。 Movenpick 雪糕 有薄荷朱古力、楓糖合桃、檸檬青檸雪葩、朱古力岩鹽焦糖、瑞士朱古力、士多啤梨、雲呢拿夢幻及意大利奶凍共8款口味，可惜近日on diet中，試過兩三款味道就算。 當然仲有原味乳酪雪糕機，又可以自己加些少topping。 自助飲品區 可以任添汽水、奶茶及咖啡，有時候只得一杯真係未夠。 母親節在「限聚令」稍為放鬆下，餐廳有不錯的成績，而下一個值得慶祝的「父親節」又快到了，大家可找到地方？相信花月庭是一個上佳的選擇。 P.S 星期日至四及公眾假期18:00-21:30 成人HK$628/小童(5-11歲)HK$418/長者(65歲或以上)HK$488 星期五、六及公眾假期前夕18:00-21:30 成人HK$668/小童(5-11歲)HK$448/長者(65歲或以上)HK$508 Facebook 專頁 : 花月庭 酒店專頁 : 帝京酒店 地址 : 旺角太子道西193號帝京酒店2樓 電話 : 2529 8933 味道 : 4 環境 : 4 服務 : 4 衛生 : 4 抵食 : 4 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
