點心大戰方興未艾，又有新戰場出現，就係酒店套票，最新投入戰場既係位於圓方既W Hotel，由4月21日至27日期間，推出超過30款優惠，部份更低至半價，涵蓋酒店旗下所有服務，餐飲、住宿、bliss®水療中心、WET®泳池及酒店禮券，想必掀起另一波搶購潮，最終於得益既，必定係消費者。 先講下點心套餐，購買套票只得7日，但使用期卻伸延到7月，就連 父親節都可以使用，有足夠時間慢慢安排。 (套票連結) 點心大戰進入白熱化階段，酒店紛紛推出令人難以抗拒的優惠，今次又到 W Hotel 「星宴」中菜廳。 很喜歡餐廳有不少獨立的用餐區，在4人一檯的情況下，應付自如。 點心套餐（$168） 是日老火湯 是日寵火湯係青紅蘿蔔煲唐排，湯色呈淡奶黃色，入口甘甜醇香， 火喉十足，好有家鄉菜的感覺。 點擊圖片放大 森林誘惑點心拼盤 黑松露醬草菇頭包, 胡蘿蔔咸水角 兩款賣相有如森林裡的植物，草菇包須地鬆軟，餡料雜菇粒切得細碎，陣陣菇菌類的香氣，好味。 至於胡蘿蔔咸水角，上次跟朋友團年時已試過，的確維肖維妙，但今次孤零零只得一隻，欠了點趣味，不過味道依然可口。 點擊圖片放大 +2 海中珍寶點心拼盤 黑魚子龍蝦盞,星宴蟹籽燒賣, 南瓜蟹肉金魚餃 好一個黑白分明的黑魚子龍蝦盞，龍蝦肉新鮮爽甜，而盞皮酥化，個人幾鍾意；押上店名的燒賣當然有水準，蝦肉與豬肉比例啱啱好，又是爽與鮮的結合；而金魚餃就比較大隻，造型要加點想象力，但餃皮的至7搓得不錯，透出內裡的色澤，入口甜美。 上湯浸時蔬 係時候清清地食菜，今次大廚就選用了豆苗，翠綠幼嫩，灑些少金華火腿絲，多了一份咸香。 是日廚師精選 有雞粥或炸蝦丸選擇，雞粥粥底好綿滑，但比較濃稠，比廣東粥較 杰身，雞絲啖啖肉，老人家都食到。 蝦丸好彈牙，連同椒鹽一齊食好香口，其實好想呷著啤酒品嚐。 點擊圖片放大 帶子荷葉飯/黑松露醬野菌金菇炆伊麵 單尾亦有兩種選擇，真好，由於鮑魚餐有鮮蝦荷葉飯，所以點心套 餐係帶子，多了些少變化，飯粒未至於粒顆分明，但荷葉味好香， 而且份量啱啱好。 除了荷葉飯，仲有炆伊麵，同樣地不會太濕身，黑松醬的香味同野菌好夾，雖然未至於驚喜，但一定不會失望。 芝麻甜品碟 迷你首烏芝麻糊,懷舊芝麻卷,芝麻餅 一碟三式甜品做壓軸，芝麻糊好香，但有點稀，因為食得好飽，芝麻卷只得半條，咁仲好；芝麻餅薄薄一片，質地輕盈香脆，有驚喜喎！ 如果是一人份量，真係會幾飽，作價$168，仲要包茶芥（特別茶種另計），又真係無得輸。 點心講完，又有另一種套餐推介比大家。 套餐menu:（$688） 點擊圖片放大 +4 星宴招牌燒味拼盤 蜜汁半肥瘦叉燒, 脆皮燒腩, 香麻海蜇 最愛叉燒帶點冰肉位，除了蜜味更會多份油香，若然邊位略焦就更 加一絕，配上一碗白飯，簡直如魚得水。 燒腩仔的芝麻皮相當對辦，五層肉質感分明，蘸點一下芥末足以令人吃過不停。 至於海蜇清新爽脆，如果兩位囝囝在場的話，恐怕會遭秒殺。 松茸花膠燉響螺湯/鮑魚四寶羹 其實有兩款湯可供選擇，燉湯在家中基本上欠奉，所以每有機會必定試試。 湯水以保溫器皿奉上，揭開一刻，陣陣松茸幽香隨之而來，舀一下，非常足料而又湯色清澈，入口甘甜醇厚，火喉十足。 點擊圖片放大 蠔皇原隻二頭鮮鮑魚 對於新鮮鮑魚，一般人都會以清蒸的手法處理，簡單得來又可以吃 得出鮮味，但作為一間五星級酒店，也未免小窺了。 大廚捨易行難，以燴乾鮑的手法炮製，鮑魚扣得入味，而且煙煙韌韌，蘸點一下鮑魚汁更惹味。 點擊圖片放大 黑松露雜菌和牛盒/金腿蛋白蒸星斑球 主菜有牛跟魚兩款，在下是牛魔王，當然是選擇和牛盒。 將麵包挖空，然後放入炒香的和牛粒，賣相當然是酒店級，黑松露 的香氣幾強勁，喜歡的話，大可把麵包弄開蘸點一下旁邊的牛肉 汁，就更加惹味。 同行朋友的星班球賣相不俗，尤其是玻璃芡埋得夠薄，星班肉是預期中的嫩滑，置底的蛋白火喉恰到好處，細白甜美，充滿了蛋香，完全不會給和牛盒比下去。 鮮蝦荷葉飯 荷葉飯吃過不少，但不時遇上飯粒太濕，又或是荷葉香氣欠奉，餐廳為求衞生，所有食物都是位上，小巧精緻的蒸籠，份量啱啱好，飯粒柔韌有嚼口，又帶荷葉的香氣，蝦仁大大隻，作為單尾我鍾意。 貴妃蛋白杏仁茶伴士多啤梨脆奶 杏仁茶跟榴槤一樣，身邊有朋友真的受不了濃郁的氣味，但在下偏 偏覺得一碗醇香的杏仁茶可以令整個晚餐更完美。 至於士多啤梨脆奶，有點像炸鮮奶的變奏，但多了一份水果的清香，而且炸得毫不油膩，有水準。 Facebook 專頁 : W Hotel 地址 : 尖沙咀柯士甸道西1號港鐵九龍站香港W酒店1樓 電話 : 3712 2848 味道 : 4 環境 : 5 服務 : 4 衛生 : 5 抵食 : 5 位置 : 5 希望各位喜歡這篇文章的朋友，請在我的專頁上剔"LIKE"，當作 小小的鼓勵吧!謝謝! http://www.facebook.com/foodiephilip
