又係上路的時候，今次的目的地是Phosavan。老撾的地名好易讀，搵返個中文用廣東話讀出黎都OK。即係Vientiane讀返永珍、Luang Prabang讀琅勃拉邦、Phosavan讀豐沙灣，而最難發音的Vang Vieng，不過叫返萬榮都無咩問題。 除了大巴，這種12座的minivan係最常用的交通工具。若然想更地道，其實仲有種local bus。 豐沙灣是位於永珍東北邊的一塊高地平原，從琅勃拉邦坐車去，經過唔知幾多曲又唔知幾多彎的山路，200幾公里，足足要坐7個小時，加上山地路面不平，是極度難頂的一程。同行友人一句「直路都不過20米」，真係好中肯。 不過無論點都好，好多時都係get used to，好似本地人咁，習慣左其實無咩野。 豐沙灣成個鎮得一條大街 雖然係2013年，不過掛的係2012年的月曆女 NOKIA EVERYWHERE 離開琅勃拉邦前，等緊PICKUP的時候，坐係GUESTHOUSE的CAFÉ內，聽到出面街有人用普通話大聲問「有沒有人會說中文？」其實直到那時刻，舊城區內都未見過有中國人。我地就行出去睇下咩事，原來係一位伯伯，佢想問邊度有船坐去一個我聽都未聽過的地方然後轉車去雲南的西雙版納。係琅勃拉邦坐車直去雲南我就知，如此曲折的方法真係唔清楚。道別後，望住佢的身影，只能祝佢好運。
