琅勃拉邦除左係舊城區觀光，仲有幾個遠少少要坐車的景點。一個是Kuangsi Waterfall，另一個是buddha cave。 之前一日一早搵左架tuk tuk約好去晒兩個地方，不過夜晚遇到個日本伯伯，佢話dry season，no water，所以今朝縮沙諗住去buddha cave算。 Buddha Cave個正名係Pak Ou Caves，偷聽一個導遊先生講，呢個洞係一個sacred site，另一個sacred site係舊城區內的浦西山頂。導遊先生話佛教傳入前當地已經對呢個洞有靈性的睇法，在佛教傳入後，當地人就開始安放佛像係洞入面，時至今日，約有4000個。而在王室被推翻前，國王每年新年都會先到浦西山的佛去潔佛，然後坐船到呢個洞，再做一次潔佛儀式，祈求新的一年風調雨順，人人身體健康，安居樂業。 點擊圖片放大 去呢個洞可以坐船可以坐車。坐車的小弟又越過高山又越過谷，先去到一個whisky village。Laos Whisky係一種米酒，好唔好飲就見人見至，除此之外仲有D蠍子酒、蛇酒，同埋紡織品賣。 之後再坐多一陣車去到一個碼頭，買船飛過河 點擊圖片放大 佛像不同的姿勢有不同的意思，而根據用料，又可劃分做不同年代的產物 Buddha Cave分lower cave同upper cave。上300幾級到upper cave，係一個黑嘛嘛的山洞，洞口是釋迦牟尼的徒弟(無記錯的話)，而洞入面有一個祭壇。 去Buddha Cave，水路同陸路一樣價錢，不過陸路要另外比過河費。但係一路坐車過去，由柏油路變沙石山路，坐住tuk tuk沿住河邊又上又落，急彎處處，上山下河，很有adventure feel。而水路，慢慢欣賞兩岸，感覺則相對平淡。
