完成了一整天的市內觀光，就去巴士站坐車去琅勃拉邦(Luang Prabang)。遊客區周街都係travel agent可以訂車票，當然旅館都有這個服務，價錢有平有貴，可先格價。然而亦可自己去車站買，不過永珍同琅勃拉邦呢兩個大城，車站並非walkable，其實計埋tuktuk車條數，係agent買仲有埋pickup，抵D。 Pickup tuktuk早左2個鐘到車站，永珍去琅勃拉邦要11個鐘，8點開車訓醒覺就啱啱好。車站有幾間超市，可以買野食，仲有一間賣紀念品的。 Overnight 的巴士有坐的，亦有他們稱的sleeping bus，即係有床訓。分三行的look架床，床的長度對我黎講啱啱好(小弟168cm)，不過闊度就差少少，同埋無位放handcarry野。車入面都幾乾淨，上車的時候有職員派膠袋，以為係嘔吐用，點知我一上車佢就話no shoes，原來個膠袋係比人放鞋的。 入寺廟或hostel都要除鞋，所以都習慣了赤腳係室內走。 包左餐dinner，不過11點先食。直到呢刻為止，感覺都幾好，可以訓係度坐車，又不是很顛簸。個dinner就唔好有期望，有飯有麵。食完上返車，無耐就訓著。 開住ipod訓，一開眼就已經5點幾。見到公路兩旁都是高山和筆直的樹，還有一層薄薄的煙霧，突然覺得好東南亞feel。落車後坐tuktuk到市區。清晨的舊城區依舊寧靜。 點擊圖片放大
