永珍的主要景點其實都是可以步行前往，問題是面對40度的悶熱天氣，對體能同意志有極大的消耗。小弟的經驗係一日最少要飲3L的水，可能因為咁，飲料的價錢都比較貴，一枝1.5L的水要4000kip，一罐可樂就8000kip，而Beer Lao大枝裝就要10,000kip。而食一個湯麵or飯，大概15,000kip就有交易。 這天朝早去塔鑾，下午就行返去市中心的凱旋門，大約3公里的距離，唔覺唔覺就行左差唔多一個鐘，沿途都是前鋪後居的房子，最顯眼的是一家北韓的餐館。 友人有一位來自法國的同事，佢話20年前都去過老撾，感覺像非洲。雖然小弟未有機會去非洲，不過登上凱旋門遠眺，見到的景象跟小弟想像中的非洲城市也很相似。 凱旋門北面有一個公園仔，向南的一條大道，盡頭處就是靠近湄公河邊的presidential palace，呢一段就大概1公里。這條大路兩邊以銀行大樓為主，還有政府機構。 隔離有條街與這條大路南北平行，則相對平民化，和比較多人活動，亦是賣生活用品的店舖。 差不多位於凱旋門與presidential palace中間的是morning market，旁邊是一個有冷氣的大商場，Talat Sao Shopping Mall，是市區入面除左難得的便利店外，唯一可以過冷河的地方。morning market賣的除左布料，衫褲鞋襪，仲有金器同電器。途中見到幾個年輕小子一齊夾手夾腳搬大電視，這就是男人的浪漫。有冷氣的Talat Sao Shopping Mall都係賣衫賣金為主，亦有幾間café供人relax。 黃金奇妙的地方是，不論甚麼地方，甚麼文化都對它充滿追求。
