在此分享4月初老撾旅遊10日的所見所聞 經過混亂的皇崗,大巴在雨中加速,換了的士再直奔廣州機場。 一整天的大雨令整天的航班不是DELAY就是CANCEL,深夜時份,有人群在鼓譟,尋求交代,最後不了了之。曾經擔心壞天氣會持續,然而,午夜過後,飛機陸續起飛。 4am還是靜靜的大堂,5am就已經人頭湧湧,好似去到另一個世界。10點左右來到昆明,還要待數小時才上機去永珍(內地稱萬象)。這次是自己第一次到比較落後的地方旅行,加上語言不通,所以越接近登機的時間,心情便愈緊張。 飛行途中遇上一個唔識英文又看似唔識字的人想我幫手填landing form,但是我又不曉他的語言,溝通不能,所以只幫他寫上passport number,visa number和姓名等,其他都愛莫能助。 落機後的感覺是悶熱,感覺跟香港的8月差不多。一路過關都很順利,沒有甚麼特別事情發生。兜兜轉轉找到了出市區的的士,一輛5-8人的收USD8。上到車同個司機講去邊條街放低我地,之後佢一味SAY NO,同埋不停講GO TO CITY。有D納悶,因為明明我地的hostel係市區。比埋地圖佢睇,都係得GO TO CITY的回應... 佢一路開車我就一路check住地圖,機場拎行李果度有齊全國旅遊城市的地圖拎,幾方便。機場離市區約3公里,坐左無耐車就已經進入左一條兩邊都是樓房的大街,都是約2層高,還有幾間寺廟。一到左hostel果條街就叫佢STOP STOP STOP。咁佢又肯停,有D莫名奇妙。