係我朋友入院嘅位置，今日去探佢，因為佢咩都唔食得，只能夠買紮花送俾佢，係紅色玫瑰🌹講真Touch wood我未入過醫院🏥((除咗出世嘅時候)不過係公立醫院兼且我都已經冇乜印象！住私家醫院，響以前嘅世代係好巴閉嘅一件事，而家好多公司大機構都會有員工福利醫療保險，大部份都會包入院嘅如無意外又唔係特別大問題的話！乜嘢住大房/半房其實我都唔係好清楚😅今日就總算去見識下港島區私家醫院嘅厲害😆我個friend份工作都有返咁上下，所以住嘅當然係有返咁上下啦，安排咗一個望到海嘅位置。聖保祿醫院B座其實都係新建冇幾耐，當然唔會好似公立醫院咁喧鬧咁多人出出入入，醫生同護士都會專登去巡房，唔似得公立醫院一日都唔知會唔會見到醫生一次？飲食方面當然更加唔會好似公立醫院咁啲嘢難食到就算病人有胃口都唔想食啦！呢度你諗得出想食咩大部份都可以叫，係逐樣收費囉，朋友老公仲話啲嘢好好食添！不過睇吓佢個Menu又唔算太誇張地貴喎，anyway，都係claim保險姐🤪每個床位提供電腦落單有Wi-Fi上網，食物準時送到👍🏻冇事冇幹好人好姐都唔想住醫院嘅基本上，有能力當然想住好啲啦，就正如一般嘅衣食住行！當然希望香港每一個有為呢個社會貢獻嘅都可以住好啲！
