分咗手九個月，放得低未？其實未！分手有冇令我成熟啲？我諗冇！不過係令我堅強左同埋獨立左！以前成日依賴男朋友車出車入而家日日巴士代步。以前有男朋友一齊出去食嘢，可以放肆叫多啲有人分擔下，而家睇住自己個胃做人，縱然好多樣嘢都想試都要忍住手。以前除咗食飯再去睇戲，而家我竟然一條友自己走入戲院，我都估唔到，仲要一上畫就仆去睇，變成一個偽文青，我仲竟然入埋會做member，真係始料不及😕又因為疫情嘅關係戲院都幾個月冇開，九月重開到而家差唔多一個月我已經入戲院睇咗三套戲。分別係「Tenet」、「麥路人」同埋「聖荷西蘭謀殺」，之前係屋企都煲咗幾套劇㗎！以前同男朋友睇，多數佢都會瞓着，其實佢根本就唔想睇，同我去睇戲只不過係逼不得已搵啲嘢做下，一場消磨個幾兩個鐘😞諗起都有啲慘（我呀）☹️你問我想唔想繼續再咁孤獨，唔想㗎，但係我又真係好怕再開始零一段新戀情，更何況都冇！🤣😆突然間諗起一首歌-「矛盾一生」，其實幾年前呢首歌推出嘅時候我都已經覺得好啱我聽，啲歌詞撞到夭心夭肺😞《矛盾只因心愛着，你知嗎？誰期望這刻擁抱完，然後吵架！⋯⋯⋯竟會沒決心成家，當你遲遲未改變，就讓我改變吧，我替你自私好嗎？》*我會另外開多個topic講影評嘅
