「前後大不同」《疫情開始，新年過去，愛情亦結束了》唔知係咪有所暗示，真係大吉利是。疾而終嘅愛情，已經唔係第一次，亦竟然係同一個人。前後10年既感情，原來可以脆弱到一🔪切，唔知係大家玩硬頸，定還是大家都已經去到忍無可忍嘅地步。中間有甜蜜、有傷心💔、有忍耐、有欺騙⋯⋯，始終長途太耐，大家達成唔到共識，最終形同陌路！雖然伴隨住疫情發展不知不覺已經九個月，仍然有戚戚然，始終唔肯定最終死因（自己又唔想主動去問個明白），呢段時間，仍然會獨自去以前一齊去過亦去得最多嘅其中一間食肆「炳記茶檔」唔知由幾時開始我地每個星期都會去一至兩次，最代表香港既大排檔買少見少，我地平時拍拖既節目，食佔咗大多數，無論中菜、西餐、cafe、茶記或甜品，我哋都有一間老地方經常會去。以前有專車接送，食完跳上車再去下一個check point，而家就算大熱天時，我都會獨自搭巴士專程過海食，大汗疊細汗🥵以前可以share 食一碗三餸面（佢最出名係豬扒同奶茶），再加件我至愛奶油多，凍野又可以黏啖飲，而家一位都食唔到啲咩😕之前食到同老闆潮哥都開始有兩句計傾下，而家都認得既，不過唔係因為我靚女，而係我成日都一個孤伶伶要同人搭枱😳唔知點解我仍然會獨自繼續去，（好多野都冇咁堅持✊）成日聽人講要學習放下（let it go let it go),但係好難。你問我有冇後悔當日點解唔即時搵番對方，我有既，不過性格造就左今日嘅我，當然我覺得自己性格真係唔太好。不過又咁講，再拖落去都唔健康！*附上之前同之後去炳記會叫既野俾大家流下口水啦！有機會響炳記見😙
