第五章: 九州真是一個好地方! 好孩子 30 天日本遊記 DAY 20: 803-822 廣島宮島神社大鳥居 圖片次序是按照圖片左上角編號睇, 咁就唔會睇錯次序啦! :) 13年30天日本遊 DAY 20: 803-822 原定由福崗南下, 不幸地要回頭...廣島去!觀光日景點一: 上船去宮島神社大鳥居 (世界遺產日本三景)。 blog: http://goodboyphilip.blogspot.hk/ facebook: https://www.facebook.com/goodboy.philip.5 點擊圖片放大 +18 今日去到廣島發生一件超級有驚無險既事! 好彩呢度係日本!!! DAY 20 開始, 尋晚 BOOK 車票時考慮到鹿兒島櫻島火山噴到成個鹿兒島都係火山灰, 加上身體開始感冒, 南下出事機會好大, 理智 D, 之後要番東京工作, 只能忍痛停止鹿兒島同大分之行... 作病中, 早餐亦要忍口繼續簡而清... 今次初踏足九州, 原定由福崗南下, 不幸地要回頭, 大分之花, 鹿兒島之美, 也觀賞不能...殘念...日後再來! 雖然唔可以南下, 不過絕對唔可以浪費在日時間, 離開九州, 去日本中國另一個景點! 個幾鐘車程人又儲電, 跟身電器又儲電! 到喇! 目的地係宮島! 落車後再轉船, JR PASS 包埋呢程船費, 要好好善用 PASS! 船上本地人同外國觀光客都有, 目的只有一個, 就係去大鳥居。 船程好短, 吹下海風話咁快就埋岸! 一塵不染係我對呢個宮島景點既第一個印象! 地下乾淨到發光! 一件垃圾或者香口膠跡都無! 島內好多鹿, 莫非因為 D 鹿食哂 D 垃圾? D 鹿真係咩都食! 個小朋友跌左個紙盒, 隻鹿都唔放過! D 鹿到處都係, 有 D 周圍行, 有 D 爬喺樹蔭下... 唔搶野食既時候 D 鹿其實幾可愛! 向住大鳥居方向行, 沿途多小店。身子唔好, 連食廣島蠔都提唔起興趣...陰公!! 因為今次無做功課, 所以唔知道退潮滿潮時間, 當時只可以遠觀大鳥居。世界遺產日本三景, 我不愛觀光都忍 唔住去一趟! 去日本旅行, 編排下名勝古跡作景點, 係指定既動作! 另外如果滿潮去唔到大鳥居個底, 可以坐小船過去近距離睇睇! 逗留一陣影下美景, 番碼頭路程中。 碼頭上船! 白紅藍, GUNDAM 架母艦?! 天氣爆熱, 海風都唔足以散熱, 回程時去有冷氣既倉休息。 日本, 好孩子PHILIP, 行程編排, 旅行, 行程, 自遊行, 遊記,博多,福崗,廣島,宮島,宮島神社,大鳥居,
