第五章: 九州真是一個好地方! 好孩子 30 天日本遊記 DAY 19: 752-766 一蘭拉麵日本本社總店 圖片次序是按照圖片左上角編號睇, 咁就唔會睇錯次序啦! :) 13年30天日本遊 DAY 19: 752-766 一蘭拉麵日本本社總店 HKT48 指原莉乃主題日 (3) HKT 節目のおでかけ博多景點, 西中島橋閒遊博多景點。 blog: http://goodboyphilip.blogspot.hk/ facebook: https://www.facebook.com/goodboy.philip.5 點擊圖片放大 +19 去目的地中州川端時, 中途經過見到一蘭日本總部, 好多年無食一蘭, 印象模糊, 食 LUNCH 時間, 試下本部會唔會好食 D? 門口睇坐位圖, 自己搵個吉位"自修", 填紙仔等派麵! 標準擺位好齊整, 見湯見麵見配料, 好有意欲食! 以前我對一蘭無太大印象, 係因為麵同湯都唔係個人喜好, 今時今日個湯一飲而盡見碗底! 不過個人都係偏好粗麵多點... 本部地下有一蘭精品同麵賣, 喜歡一蘭既朋友去開福崗可以去朝聖! 有無發覺呢個遊記小橋同小河出現既頻率都幾高? 因為喺密麻麻既建築地段, 中間如果有條小橋感覺好好, 至少唔會太壓迫, 空氣都流通同清新點。 因為指原, 睇左唔少九州既電視節目, 有唔少節目都介紹博多川端商店街, 所以走黎逛逛! 呢間 D 帽幾有趣, 好多繡有本地方言既帽。 商場最出名既地標非川端ぜんざい広場莫屬, 出名食糯米餅同埋裡面既巨型山笠! 當日休息日, 無緣一試糯米餅, 不過都可以入去睇下。 每逢七月都有山笠祭, 祭典時會見到幾十個大隻佬抬住遊行。呢個山笠有十幾米高! 超巨型! 武士同城堡既製作好精緻! 穿過百幾間店既川端商店街, 出口就係另一個景點喇! 呢度係櫛田神社, 其實我對神社興趣不大, 我係為"食"而黎既! 神社旁邊有間櫛田茶屋, 開業有七十年, 賣既係燒紅豆餅, 係博多名物。 天氣熱坐低食塊熱辣辣既紅豆餅, 飲啖 AQUARIUS, 回一回氣! 神社有旅行團經過, 我又聽埋一份! 哦! なるほど...確かに...哈... 博多...祇園...博多...指原...係時候玩 FORTUNE COOKIES... 離開指原, 行過西中島橋。 黎到 1909年建成既赤煉瓦文化館。 一樓部分係福岡市文學館。 喺赤煉瓦文化館隔離係另一景點, 水鏡神社。 過門不入因為有另一 d 地方想去! 鏡頭一轉去左天神! 跟住落黎既三個行程, 係以指原做主題! 日本, 好孩子PHILIP, 行程編排, 旅行, 行程, 自遊行, 遊記,博多,福崗,HKT48,AKB48,指原莉乃,一蘭拉麵,一蘭,博多川端商店街,
