好孩子 30 天日本遊記 DAY 9: 345-352 北海道賞花第一站: 富良野彩香之里 圖片次序是按照圖片左上角編號睇, 咁就唔會睇錯次序啦! :) 13年30天日本遊 DAY 09 (345-352) 北海道賞花第一站: 富良野彩香之里 blog: http://goodboyphilip.blogspot.hk/ facebook: https://www.facebook.com/goodboy.philip.5 點擊圖片放大 +6 DAY 9 夏天北海道百花齊放, 喺欣賞群花既爭艷鬥麗確實係賞心樂事! DAY 9 全日賞花, 自駕總結去左五個賞花景點。最難忙既係最後一站既向日葵花山, 整個山都係向日葵, 睇得目瞪口呆! 第九日繼續北海道自駕遊, 今日車程同行程緊密, 開車前快食個 "餓李機李"! 浮起 "戀するフォーチュンクッキー" 景象, 醒哂! 今日天氣山雨欲來, 車程個幾兩個鐘期間, 有陽光亦有大雨。 母親大人鍾意睇風景, 花花草草大自然, 是次夏天北海道行程當然要睇花! 第一個睇花點係彩香之里。 彩香之里係個小山丘, 唔同位置有盛放既花, 亦有剛播種既花! 我最鍾意既向日葵!!! 山丘好大風, 吹到小葵面向草地啊! 芸芸向日葵當中, 終於比我搵到呢朵笑得最燦爛既小葵! 呢度唔係宮崎, 所以呢朵唔係叫做宮崎葵...不過, 呢朵小葵連蜜蜂都被吸引過去! 彩香之里山丘有個塔, 望住塔後既背景一片大平壤田地, 心境平靜舒暢... 一大片紫色既薰衣草, 喺花園許可既情況下, 混入當中留影係遊人既指定動作。 離開彩香之里, 去富良野另一個熱門睇花景點! 望上個天! 唱 "あなたにあげたいメロンジュース!"
