好耐無更新了, 因為呢排諗緊將來定位同研究緊手工皂。 以前成日唔明D點解要用番梘沖涼，而唔用方便快捷既液態皂，到最近開始接觸用cold process 製皂原來對皮膚有好大影響 。因為製皂過程係油脂+鹼=皂+甘油 而大部份市面上賣緊既商業皂(係超市買到既液態皂或香皂)通常係製作既過程會抽走甘油成份另作圖利, *甘油有保濕作用平時好多護膚品或Mask都會有呢個成份，所以大部份商業皂只會有清潔功能而缺乏保濕作用。而冷製Handmade soup 既可以保存珍貴成份甘油，又可以不破壞油脂既有效成份。 *而受濕疹、牛皮癬困擾既肌膚尤其比較適合用ｃｐ皂去改善皮膚問題，清潔同時可以做到滋潤效果，唔會有蹦緊感覺。 不過製造手工皂過程頗繁複，大量計算程序，計算油水鹼比例，打皂、皂化、風乾需時由製作至可以安全使超過三星期。 經過無數次失敗與嘗試（過程失敗既材料費夠買好多舊梘），終於有比較似樣製成品。 如果大家有時間心機，又唔怕事後洗野可以試試自己整，呢個係我自己試過算比較成功既配方。 金盞花奶皂 材料： 90g椰子油 90g棕櫚油 80g自家製金盞花浸泡油(浸油方法可以參考前文) 40g芝麻油 50g牛油果油 52.5g氫氧化納 131g牛乳冰塊(可用水或母乳) 步驟: 1.將所有油脂量好混合(如棕櫚油或椰子油呈固態狀需隔水加熱)備用 2.製作鹼液: 牛乳冰塊放入綱盤,將氫氧化鈉慢慢倒入,直至完全混合 3.當油和鹼液溫度勻在40度以下及兩者相差不超過10度才混合。 4.將油脂慢慢倒入鹼液,攪30-40 分鐘。 5.直至混合物變得濃杰(可以劃出字痕)。 6.加入精油再攪300下。 7.慢慢倒入模再保溫。 8.放2-3天後脫模。 9.脫模後再風乾2-3天後切皂。 10.再放置3-5星期待完全皂化後才可使用。 *如有興趣訂購金盞花奶皂or其他tailor-made 產品歡迎係facebook pm 我:) **如喜歡以上內容有更多關於香薰精油內容在facebook page 歡迎LIKE & SHARE,每個支持都成為我既動力~多謝支持! https://www.facebook.com/gonaturalpro/
