細過唔識護理皮膚成日手痕擠面上黑頭暗瘡,搞到而家塊面有凹凸洞,毛孔粗大等問題出現,夏天就更加明顯。曾經做過激光但對我黎講幫助唔大 :-( ,呢個時候唯有自救。而家已經唔敢用手去擠面D黑頭,呢排敷左綠泥加花水可以清污漕野同收細毛孔同埋敷完唔覺得乾好岩夏天用。 8-) 功效: 天然礦物綠泥: 主要含量是蒙脫石,具有超凡的吸附能力,能徹底清除肌膚深層污垢,油脂,角質死皮及雜質,刺激循環排走毒素令皮膚清爽緊緻,達致收緊毛孔,適合用於美容護理解決皮膚和治癒瑕疵。 橙花花水: 有極佳的收歛效果適合用於脆弱敏感及油性肌膚,能清潔粉刺黑頭,鎮靜同抗炎,同時可用來護理老化及乾燥肌膚。 馬鞭草迷迭香花水: 改善皮膚由內而外的粗糙,鎮靜皮膚、粉刺面皰及疏通阻塞毛孔,並將污垢帶到皮膚的表面,使肌膚恢復活力,還具有緊緻肌膚和增加皮膚細緻度,亮度的效果。 用法: 將2小匙綠泥加2ml 迷迭香花水橙花花水2ml ,搞至均勻,敷上面見唔到肉色就OK,敷5-7 分中用濕棉花抹左D泥先洗面會易D清。 用後感: 試過幾隻泥粉發覺綠泥保濕同乾淨度比較好,敷完有清新感覺皮膚亮度提升,同埋綠泥係比較易溝勻,容易控制同易均勻搽上面。 *因為面上D洞洞比較怕醜驚嚇親大家等下次膚質好D再POST用後照比大家睇,下次可以打埋個唔同種類泥粉用後感。 **如喜歡以上內容有更多關於香薰精油內容在facebook page 歡迎LIKE & SHARE,每個支持都成為我既動力~多謝支持!