一星期總有一日訓得唔好,特別係星期日放假訓耐左,夜晚好易失眠,一晚訓得唔好都好傷身,最驚連之後果幾晚都訓唔到。失慣眠既人都明一晚訓得到3,4個鐘都叫好彩,唔好彩真係會成晚眼光光,第二朝帶著個疲倦既驅殼返工完全集中唔到精神, 影響工作能力之餘心情都會特別炆。香港工作壓力大應該唔少人都遇過呢個問題,想請教下你地想用咩方法幫助入睡?我都分享下我既方法以下僅為個人經驗無任何冒犯之意。 方法1. DIY 安眠油 1個走珠茶色精油瓶 10ml 葵花籽油 2滴檀香精油 2滴安息香精油 1滴甜橙精油 將以上精油加入葵花籽底油裝入走珠茶色精油瓶,訓前碌下太陽穴,人中位置,氣味有助放鬆神經,舒緩心情, 鎮靜及安撫神經。 方法2. 巴哈甜睡X ($299萬寧購入) 唔知可唔可以開名但真心想分享下, 因為有排壓力大連續幾晚訓唔到人都癲,支安眠油細細枝又唔知碌左去邊,醒起呢枝係巴士成日賣廣告不含副作用既花療噴劑見上網有人試過效果幾好$299其實都唔平諗住試下 舌面,底噴2下 一開始條脷有少少麻 個甜味令人放鬆 之後就開始好多口水湧出黎 都唔知吞唔吞好,吞左又好似無晒D野咁,試左幾日都係無特別改善 唔知使用方法問題定我唔岩用用左幾次放左係度。 方法3. 鮮奶加鹽 一杯鮮奶 加小量鹽叮熱再搞勻, 真心覺得真係易D入睡。 方法4. 美國醫生Andrew Well創既4-7-8呼吸法 可以瀏覽以下網址跟住佢既教法: http://www.cheers.com.tw/article/article.action?id=5069521 個人覺得呢個方法真係可以令個人靜落黎, 有時會掛住數搞到個人有少少緊張,平時都要練習下個呼吸法練到唔洗數會更易入睡。 *建議可以試左D唔洗錢既方法先, 希望大家都有敎好訓! **如喜歡以上內容有更多關於香薰精油內容在facebook page 歡迎LIKE & SHARE,每個支持都成為我既動力~多謝支持! https://www.facebook.com/gonaturalpro/?fref=nf
