所謂「人望高處」，就算平時行步路都喘晒氣都好，去旅行見到d 行得上去的塔呀宮殿呀，總係會情不自禁課金上去望一望，今次被選中的天梯就係博洛尼亞的雙塔——Torri degli Asinelli e Garisenda（因為唔識讀，下文簡稱「塔」）。 以前呢區差唔多有成180 座差唔多樣的高塔，入面咩都冇，得個高字，就好似砌lego 就咁砌個方形框框出黎咁，傳聞就話因為以前的有錢佬得閒冇野做，就用起塔黎比賽，座塔愈高就代表佢愈有錢，所以玩玩下就成個城都係塔。 不過都因為d 塔ssss 真係冇乜用，又只係為起面起，後來冧的冧、拆的拆，剩低的其中一座就60 米高，入面加左木製樓梯上塔頂睇博洛尼亞全景，一路行上去的木頭已經比人行到凹晒蝕晒，仲有細個玩揭尾故的「郭it it」聲，同時有人行緊的時間仲會震下震下，都咪話唔驚。 上到去（～30 層樓高）睇晒全景⋯⋯ 老老實實對住慣三十幾樓的香港人黎講，真係唔多得別啦，不過比€3 行到腳仔軟，又係個挑戰黎的⋯⋯ 中意我地篇文的就like下我地個page啦: https://www.facebook.com/godiorey2015/
