去到德國就是心郁郁想去集中營,原來係柏林近郊都有個Sachsenhausen 集中營,係市中心搭個零鐘頭地鐵就到。 基本上係個個山卡拉地鐵站落車的人都係去集中營,所以唔難搵,佢附近都幾多民居,只係我唔明點解會有人願意住到咁近集中營。 佢有得租導覽錄音,講得好仔細,如果個個spot 都聽基本上一日行唔晒。入到去開始感受到佢嚴肅的氣氛,其實佢已經拆左好多排屋,只係剩返幾間比人入去參觀,只係地下仲會有個印畫住呢度以前係做咩。 同大部分集中營一樣,Sachsenhausen 的大門都會寫住Arbeit Macht Frei(勞動帶來自由),然而呢個假希望最後帶比好多人的就是死後的自由。 由住所、廁所、沖涼房,到解剖室、毒氣室、槍決的地洞、亂葬崗,都有講返以前係點樣運作。例如槍決個位置係個地洞,四周都會鋪住木頭乾草黎吸音,軍人會同囚犯講佢地就快得到自由啦,同時會好大聲咁播住歡樂激昂的音樂,囚犯會一個一個排住隊去地洞,然後得到自由⋯⋯ 每睇一個地方都好驚,驚到震晒咁。再睇返呢d 歷史都唔明點解可以完全冇晒人性,只係依然保留住呢d 遺址,就是要後人鑑古知今吧⋯⋯ 喜歡呢篇文就like下我地個page啦 http://www.facebook.com/godiorey2015