以汗水換萬人Like， 大東山黃金芒草浪花。 請給神龍Facebook 一個Like! 謝謝 THX 初見大東山芒草相片， 金黃色芒草好似浪花，一浪浪由遠到近飄飄下，成個山頭俾金海淹沒，好震撼！一級景點原來係大嶼山，無理由吾去見識一下？就係咁，係中毒情況之下決定出發，我諗好多朋友仔都有相同經驗。 天、地、人: 去大東山既三個重要影響因素 天時: 秋天除了適合行山，更係芒草最茂盛季節，即11至12月期間。 地利: 大東山地勢險峻，出發前必須好好計劃路線，可以係網上揾資料，而家更可用gxxgle map app 預先規劃路線。 人和: "吾怕神一樣既對手，最怕豬一樣既隊友"，出發前記得同團友簡述行程，全隊做足準備。 好！ Ready 就進入旅程啦！ 出發: 集合點建議係東涌站，有齊餐廳超市，補給充足後去巴士總站, 由東涌去伯公坳站， 上車時可以向司機大哥講係伯公坳落車，路線可以搭3M、11、23，假日加開3R及11A (參考資料: http://hkbus.wikia.com/wiki/伯公坳 )。 落車後向前上斜約30米，左邊就有條樓梯上山，馬路對面會見有伯公坳大字，個度有方便既地方, 錯過之後要係大自然環境下歌唱。跟住之前提既樓梯向上行，上幾十級就見有座亭，旅程中有咩依郁， 可以此為集合點。亭右邊有指示上山方向，之後就一條路直上，強烈建議花幾分鐘鬆下筋熱身，因為一開始路程就已經係戲肉，到時就會知...... 上山路基本上係一條，分岔位不多，初段路面係一舊舊大石上行，落差大，要每步路都要做好平衡，對我呢庭初階者來講，簡單兩隻字：”難行”，不過上到目的地後一定會覺值回票價，各位加油呀！給力！附帶一題：吾好死頂，索氣就休息一下，量力而為。 點擊圖片放大 +3 呢次由伯公坳>爛頭營(沿鳳凰2徑)，路程約2.4km，算吾上遠路，落差就有約400米，起點行2km就到最高點，比較一下: IFC 有420米高， 斜度可想而知，為睇靚景影靚相可以有幾盡？ 今次去到爛頭營就回程，係山上靜靜享受一下，當然要影下靚相呃Like，原來回程時西斜陽光射住芒草係更加靚，記得留多啲時間欣賞拍攝。 今個秋季不訪plan 下到大東山一遊，吾通要等佢起埋纜車咩？ 醒你小Tips: >輕裝上陣，全程無補給，帶充足飲用水 >路段具難度，體力消耗高，初階者宜聯同經驗者出發 >愛護環境, 請帶回垃圾離去 >避免聲音污染, 去得郊外無非想寧靜, 我吾想聽MK爆機boom boom, 好煩人! 聽歌請用headphone! >勿破壞環境，爬上爛頭營屋頂 請給神龍Facebook 一個Like! 謝謝 THX
