長隆已經成為最多人去既短線主題公園，係珠海橫琴既"海洋王國" 聽聞整得吾錯, 小編機緣巧合得到贊助商減輕負擔, 真係未出發先興奮! (原來網上抽獎遊戲有時係真架! 感謝上帝!) 自由行既朋友仔出發前做功課是常識吧！雖然小編今次係跟團(好耐無跟過團有啲啲緊張)，都可以分享一下心得。建議搭船去，可以經珠海（九洲港）轉專車直達，或者去澳門玩，再搭專車去，如想搭直巴去可以係深圳灣口岸，詳情可以睇官網（鬼吾知咩）。 住方面如要近的話可以揀長隆企鵝酒店，係正隔離，或者同屬長隆橫琴灣酒店，想平ｄ就可以揀珠海橫琴一帶既酒店。 小編跟團要晨早係羅湖關口集合，有導遊有旅遊巴就可以更放鬆心情，跟團預左會有好多小插曲，要等遲到既團友、等旅遊巴接送、飯枱上切磋筷子功（搶食）、導遊口水多過茶係車上無教好訓等等好多人都領教過，老土ｄ都要講句：“以禮待人”，對工作人員/團友吾好下下好似老馮咁，出黎玩都係求開心吾係求氣，發完up瘋回歸正題。 門票或套票可以係官網或旅行社預購，長隆有幾個主題公園吾好買錯，玩一日既建議去海洋王國，兩日既就可以去埋長隆橫琴國際馬戲城（今次無去）。 請給神龍Facebook 一個Like! 謝謝 THX 直入主題，未到正門隔幾條街已經見到勁大魔鬼魚入口，Selfie一番開心些牙呃Like就梗啦! 入場時會有安檢，睇下遊客有無帶危險品/食物入場，不過都好hea，拎零食應該都過到骨既（小編不負責任呀），入到去招頭一望先知”魚肚”係巨型銀幕大電視，好多人企定定邊睇邊叫：“嘩～～～嘩～～～～好大條～～～～～魚”，鐘意既一齊扮吓鄉里出城。成個場地中間係一個大水池，各個場館圍住池邊，建議逆時針方向行，因為所有表演項目時間係一個接一個，仲有記得睇現場表演時間，小冊子列印都吾太可靠。 成個主題公園最重頭戲一定係 鯨鯊館，目前亞洲最大既金魚缸，座於園內最入既位置，成十層樓高勁大鯨鯊標誌全場每個角落都見得到，識睇既一定係入面慢慢睇，３條鯨鯊好似大佬咁，一班隨從小魚幾十條跟尾游來游去，仲有魔鬼魚、龍躉、鯊魚......，睇到眼都花。順帶一題，鯨鯊常遭人類哺殺，以其製成魚翅，睇完後大家應好好反思一吓重會吾會食呢？ 未見鯨鯊先感受一下全幕式魚缸, 好似係水底漫步咁 終於見到好多人，魚係游來游去，自由自在，最吸睛既梗係鯨鯊，每次游過都有幾十人一齊”嘩～～～” 點擊圖片放大 近距離睇真係感覺到人類既渺小 白鯨表演係另一注目熱點，記住吾好坐咁前呀，因為．．．．．． 海豚表演一定係海洋主題公園既必然項目 重有好多動物睇，北極熊企鵝海象雪狐等等等等，就好似睇緊記錄片咁 巡遊表演，有時間既都可以順便睇下（順便好啦吾駛揹位搶頭位），質素有如歡樂谷級數，三分鐘就睇完 機動遊戲方面，都係因為人龍太長無試過，另外有超立體影院都吾錯可以一玩 １ 最後既煙花表演配合水池激光，都有睇頭，但有一樣係意想吾到，日落後水池邊就超級多蚊搵食，工作人員用電蚊拍輕輕一揮都會中到幾隻，千祈要帶蚊怕水/藥油 總結貼士: ● 綜合各項表現，海洋王國係值得去，一家大細/情侶都適合； ● 飲食方面，安檢會查入場者袋袋，吾好帶飯盒大餐，園內各處都有餐廳，食品間間都吾同，性價比當然低，味道就........吾岩小編口味，比較似樣既係美式快餐，炸雞燒雞翼； ● 強國人多世界共知，其特徵係鍾意走捷徑，因此揀平日去會較輕鬆，亦要有心理/生理準備人貼人式排隊； ● 睇煙花既一定要帶蚊怕水藥油； ● 工作人員仍然帶有強烈強國風格，只安守本份，所以都係做足功課去或者帶定醒目團友同行； ● 各項表演時間應以場館內標示為準。 最後抽一抽水，建議樂園可改名做”長龍樂園”，去到邊都咁長人龍。 請給神龍Facebook 一個Like! 謝謝 THX 參考網頁： 長隆海洋王國官網 http://zh.chimelong.com/tw/oceankingdom/
