今個星期尾天氣又再次寒冷,食熱辣辣既雞煲都唔錯喎! 不過只食其麻辣味就實在太悶啦 ~如果有齊「甜、酸、苦、辣」等味道可以選擇,同時又加入玩味火焰原素的話,又好似幾有新意喎! FB : https://www.facebook.com/gluttonousmeow/ IG : https://www.instagram.com/gluttonousmeow/ 主打「五味」即拉火焰雞煲原來最近才登陸觀塘,當中五款秘製配料包括加入 : 蜜糖「甜味雞煲」; 酸菜「酸味雞煲」; 苦瓜「苦味雞煲」; 野山椒「辣味雞煲」及沙嗲「奇味雞煲」,有如嚐過人生的五味! 而火焰呢......先賣個關子先 ~ 這「火焰雞煲套餐」包括一款雞煲、點心拼盤、火鍋什錦拼盤、30多款任食火鍋配料及飲品。 裝修與中式酒家差不多,而地方尚算寬敞,冷氣亦充足。 點心拼盤 先來一客點心拼盤,有潮州粉果及菜苗餃。外皮薄且漲卜卜的超多餡,不錯 ~ 但要留肚食主菜呢! 這就是剛才提到火焰既秘密啦 !! 先將酒杯中的法國干邑以火槍加熱及讓其點火 ~ 「奇味雞煲」 再將火焰酒從高倒進煲中,即拉出藍色的火柱啦!現場睇既時候真係好有氣勢呀~絕對能刺激視覺! ——>去片: 好有氣勢既火焰雞煲 隔住個mon都覺得熱呀! 仲有專人代勞即炒雞煲,陣陣花椒、八角及酒香四溢,令人不禁食指大動!! 雞件本身味道較淡,幸有醬汁再混入洋蔥令其非常惹味,同時亦不算太辣! 點擊圖片放大 飲品種類亦不少,眼見支裝涼茶最受歡迎! 接著就是火鍋時間啦~可於自選喜歡醬汁。 除了「火鍋雜錦拼盤」外,另外追加了「精選海鮮拼盤」~ 火鍋雜錦拼盤 火鍋雜錦拼盤有多款自家製配料,有每日新鮮手打鮮蝦丸、墨魚丸、鯪魚丸及自家餃子。幾款自家手打丸十分彈牙 ; 餃子亦皮薄多餡 ! 而值得一提是中山脆肉鯇魚,肉質彈牙爽口,非常新鮮~必試!! 農家鮮菜盤 精選海鮮拼盤 精選海鮮拼盤包括新鮮大花甲、流浮山生蠔、鮮扇貝及青口。 鮮扇貝都頗大隻及新鮮! 流浮山生蠔及花甲比較細隻,但勝在夠晒鮮味! 另外,於30多款任食火鍋配料中點選了幾款~值得一試的是豚肉片及肥牛! 花型狀肥牛甚有心思~牛味香濃亦是必點配料之一! 豚肉片雪花比例均勻且味道不錯,必試! 就趁最近轉寒冷天氣,試試這個刺激視覺火焰雞煲啦! 東煲西炒 地址:觀塘興業街1號駱駝漆中心1樓 (地圖) _____________________________________________________________________________ 出席活動或邀稿合作信箱 : gluttonouscat@yahoo.com 【Facebook】為食貓呼嚕嘆世界 【Instagram】為食貓呼嚕嘆世界 【BE Blog】為食貓呼嚕嘆世界 _____________________________________________________________________________ Copyright © 2017 為食貓呼嚕嘆世界. All rights reserved. | 版權所有,歡迎轉載並請列明出處,謝謝!