之前介紹過日式型格手作甜品店又有新作啦 ! 今次帶來幾款超治癒,單睇外表就已經有一種說不出幸福滿滿感覺既甜品 ! FB : https://www.facebook.com/gluttonousmeow/ IG : https://www.instagram.com/gluttonousmeow/ 一如以往老闆對嚴選食材既執著依舊,今次特別精心挑選來自日本沖繩紫薯入饌,好讓大家一嚐沖繩特產風味! 棉花糖紫薯 $32 脹卜卜既棉花糖賣相非常可愛! 外層焗得香脆再加上面層嘅紫薯粉,有一股很想戳下去感覺! 任性地淋上朱古力醬之後,即刻不顧一切「發掘」內裏嘅紫薯 ~ 微脆半溶的棉花糖與熱騰騰的紫薯肉混和,好有療癒感覺! 而棉花糖食落口時好似風一般咁溶化了,令人覺得所有煩惱都應如風般四散! 紫薯肉係由新鮮紫薯煮熟,再壓成薯蓉狀,然後再用篩子隔去渣宰,所以特別幼滑! 絕對係心機誠意之作 ~ 雖然味道略甜,但嗜甜者都絕對值得一試! 梳乎厘紫薯 $49 梳乎厘通常都無餡料,今次以沖繩紫薯作餡實在係非常新穎! 梳乎厘外層焗得好似一個雪山般的,脹卜卜賣相好卡蛙兒! 鬆軟的蛋白入口即溶,幸福滋味爆滿!! 當蛋白遇上紫薯會引起一個化學作用,記得要親身試試! 薑汁紫薯雪耳糖水 $32 紫薯切成迷你粒狀方便入口之餘, 更完全吸收了薑汁及糖水既味道。而雪耳順滑又帶點爽脆,非常滋潤適合秋冬時候進食呀! 另外會提供由新鮮嘅薑榨成濃縮薑汁,非常之考功夫! 如果自問不想太辣既朋友就不用加薑汁都已夠「薑」已夠暖胃啦! 紫薯窩夫 $58 這款窩夫山造型十分有趣,除了窩夫外,還有紫薯忌廉、紫薯片及糯米糍。 窩夫蛋香味非常濃烈 ~ 當切開窩夫時,原來裏面有厚厚既紫薯肉 !! 脆脆窩夫加上啖啖顆粒紫薯肉口感豐富,令人忘我地盡情大啖大啖大啖吃......紫薯迷不容錯過! 紫薯糖水 $28 如果想試試簡單糖水亦「有得擇」,這款「紫薯糖水」絕對係不錯選擇! 紫薯煮得淋身又入味,有時簡簡單單都可以好滿足架! 老闆話仲有更多新款式會推出,到時再介紹吧 ~ 一糖 地址:屏山上璋圍249號 1號店(天水圍西鐵站E3出口)(地圖) _____________________________________________________________________________ 相關介紹 : 【天水圍】隱世型格手作甜品店│為食貓呼嚕嘆世界 出席活動或邀稿合作信箱 : gluttonouscat@yahoo.com 【Facebook】為食貓呼嚕嘆世界 【Instagram】為食貓呼嚕嘆世界 【BE Blog】為食貓呼嚕嘆世界 _____________________________________________________________________________ Copyright © 2017 為食貓呼嚕嘆世界. All rights reserved. | 版權所有,歡迎轉載並請列明出處,謝謝!