天水圍唔再係美食沙漠就一早已經知道! 近期仲開左好幾間韓式燒烤店，但走懷舊風格就暫時只此一家。 FB : https://www.facebook.com/gluttonousmeow/ IG : https://www.instagram.com/gluttonousmeow/ 由韓國夫婦打理嘅燒烤店甚有懷舊韓國既感覺，尤其牆上既海報係一般韓國餐廳少見嘅裝飾， 可見其心思! 餐廳每個角落都不知不覺地帶你進入五六十年代既韓國...... 平日都差不多全場爆滿，店員話有不少客人都是區內居民。 餐廳內的座椅都有椅背，坐得比較舒適 ; 而且客人可以將衣物或手袋等物件放進座椅裏面， 咁就唔使擔心會被燒烤味熏到啦! 首先試下前菜先~ 有泡菜、 芽菜、菠菜同蘿蔔等......都幾豐富呀! 烤爐嘅旁邊都可以烤粟米同埋爐邊蛋，另外亦提供生菜。 一睇就知食肉獸出動喇 !!! 點了幾款不同嘅肉，有招牌必食嘅美國五花腩肉 ($78)。 醬缸醃牛肋骨肉(左 $108) )及和牛舌 (右 $98)。 降霜一口和牛 ($88)。 驟眼所見，五花腩非常肥美 ; 而一口和牛既雪花分佈均勻，真係睇到流曬口水呀!! 燒烤嘅途中香氣四溢，令人覺得時間過得好慢長咁...... 每位客人都會有一碗有洋蔥嘅酸汁，與烤肉嘅味道頗夾，可以減低油膩及飽滯既感覺! 和牛舌烤得外表香脆，內裏肉質嫩滑，一口咬落去嘅時候，油花 四溢 ~值得一試 !! 五花腩都非常香脆可口，肉質及油脂分佈均勻，不會太油膩。 另外建議唔好燒得太耐，否則肉質會稍乾。 呢款烤肉醬汁都非常出色，少少辣又唔會搶去烤肉既味道。 店員服務都非常貼心，當烤到一半嘅時候會主動前來幫忙更換鐵板，以免烤肉容易有燒燶嘅情況，扺讚 !! 食咗幾款烤肉，係時候要食下生果啦!! 不過都係燒既 XD 燒菠蘿只需要微微烤熱便可，食落去既時候外面暖暖地，並帶有鮮甜嘅菠蘿汁，亦都值得一試! 燒烤過後好想食番d凍嘅嘢，韓式水冷麵 ($68) 會係一個唔錯既選擇! 湯汁既凍且酸，水冷麵質地相當煙韌，食落去嘅時候可以減低口裏面熱辣辣嘅感覺，必試 !! 溫馨提示 : 店內員工大部分都是韓國人，OPPA 等緊你呀 ~ 烤肉時代구이시대 地址：天水圍天盛商場地下L002號（地鐡天水圍B出口）(地圖) _____________________________________________________________________________ 出席活動或邀稿合作信箱 : gluttonouscat@yahoo.com 【Facebook】為食貓呼嚕嘆世界 【Instagram】為食貓呼嚕嘆世界 【BE Blog】為食貓呼嚕嘆世界 _____________________________________________________________________________ Copyright © 2017 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
